هم وغم وجالنا فقر دم فى زمن المخلوع حبيب ولاد العم قاللنا جوعوا واربطوا الحزام علشان تشبعوا وتطلعوا لقدام قاللنا كمان ماتخلفوش عيال علشان تعيشوا كويس وتبقوا عال قاللنا إن مواردكم أنا بصرفها على مرافقكم ومرت سنين وسنين جفف مواردنا وغرق مرافقنا الشباب فاض بيه وغضب وقال دا احنا ما نبقاش رجالة ونبقى عايشين فى البلد دى عالة لو سيبناه يبات على كرسيه ليلة قاموا بثورة كبيرة والشعب فرش الحصيرة وبات فى الشوارع 18 ليلة اتنحى المخلوع وساب كرسيه والصمغ العربى بطل مفعوله وانتخبنا ريس وقولنا أهه كويس عارف ربنا ويطبق العدل وأصوله هيحس بالغلابة وهيضرب الديابة وهيمهد الطريق تمشى عليه الدابة ومرت سنة ولا حس بغلابة ولا ضرب ديابة ولا فرد طريق تمشى عليه دابة عمللنا ديوان للمظالم وقاللنا أنا مش هبقى ظالم فرحنا وقولنا اتحلت مشاكلنا لقينا الديوان كان برضه ظالم عطالى نمرة وقالى اطمن وكل ما اتصل بيه يقولى يحنن