رسالة من شباب «فيس بوك»، لحلاق صفوت حجازي: تسلم الأيادي.. حجازي الذي كان أبرز الداعمين لمرسي والذي قبض عليه بعد تغيير شكله كان محل سخرية شباب «فيس بوك»، الشباب توقعوا أن يكون قد قبض عليه وهو يسمع موسيقى الميتال كنوع من التمويه ليتماشى مع النيولوك الذي ظهر به، الشباب ينتظرون فيديو القبض على العريان والبلتاجي بعد تسريب فيديوهات قيادات الجماعة، كما ينتظرون فيديوهات حفل توزيع جوائز أوسكار، «فيتو كافيه» رصدت تعليقات الشباب.. حسن عبد الرحمن: حتى صفوت حجازى طلع مش إخوان بس بيحترمهم.. محمد الإسكافي: عزيزى الحلاق اللى عمل النيولوك لصفوت حجازى.. تسلم الأيادى.. الشنير: عليا النعمة لو صفوت حجازي بيتصور لصورة البروفايل بيكتشر للفيس ما هتطلع بالحلاوة دى.. محمد وحيد: الجلابية مش لايقة عليه.. كان المفروض يضرب جينس وتي شيرت الطيور الغاضبة.. إسلام جاويش: ومما لا شك فيه أن صفوت حجازي أتمسك في (مرسي) مطروح والمرشد أتمسك يوم عيد ميلاد (مرسي). مش قولنا إن مرسي نحس.. تلاقي البلتاجي في (مرسي) علم. محسن السري: أنباء تفيد بالقبض على البلتاجى وهوه بيحلق كابوريا عند الحلاق اللى عمل دوجلاس لصفوت حجازى.. محمود الصاوي: صفوت حجازي.. كان قاعد يقول مرسي راجع.. مرسي راجع.. اتاريك ياخويا انت اللي رايح له.. تامر عتريس: صفوت حجازى اتمسك وكان عامل دوجلاس.. مش بعيد كمان كان بيسمع ميتال من الهاند فرى لزوم التمويه.. محمد عمران الشهاوي: عارفين بديع هيتسجن فين ؟ عالم نباتات.. وبيقول إيه ذنب النباتات.. هيبقى في سجن (المزرعة) طبعا.. رائد ممدوح: عاجل.. القبض على رئيس الجمهورية الأسبق محمد بديع... سمير صادق الأسيوطي: الناس مستنية البلتاجي والعريان لابسين إيه لما هيتقبض عليهم كأنهم مستنيين لبس نجوم السيما في حفلات الأوسكار.. ! رقية مختار: واضح أن وزارة الداخلية بتعمل إعلانات لعصير كابى.. وواضح أن فيه إجماع على كدا ! محمد حسان: الناس خايفة تسأل هو صلاح عبد المقصود وزير الإعلام السابق فين.. عشان محدش يقول لها تعالي وانا أقول لك فين..