علق الإعلامي عمرو أديب، على حادث لاعب نادي الزمالك أحمد فتوح، قائلا: "أرجوكم محدش يخليها حكاية فتوح، بعيدا عن إنه مشهور ولاعب كرة وكان عنده مستقبل عظيم لكن يا جماعة بجد الحكاية حكاية أمن الشرطة اللي مات وإتداس". رسالة قوية من عمرو أديب للمجتمع بشأن حادث أحمد فتوح
وأضاف خلال برنامج "الحكاية" المذاع على قناة "إم بي سي مصر": "اللي أنا مستغرب له إن الناس كلها بتتكلم عن أحمد فتوح، وكان شارب إيه وكان معاه إيه، طيب وأمين الشرطة اللي مات وهو بيعمل الواجب بتاعه، كل المجتمع لازم يدعم عائلة الراجل اللي استشهد".
استشهاد أمين الشرطة ضحية حادث أحمد فتوح وتابع: "أمين الشرطة استشهد وهو يؤدي عمله، له عائلة ما وأكيد الداخلية عمرها ما هتسيبه وإحنا عمرنا ما هنسيبه".
حكم القاضي في قضية أحمد فتوح
وأكمل: "هاتوا مليون محامي واعملوا مليون قضية ولكن الموضوع لا فكاك منه والقضية واضحة ولكن الحكم عند حضرة القاضي، والمحامين هيقولوا إيه ونسبة المخدر اللي فتوح كان واخدها كله عند القاضي، لكن القضية الأهم أمين الشرطة اللي كان واقف في الشارع ويؤدي دوره وطلعت فوقه عربية".
وتابع: "فيه واحد كاتب إن الحادث مكنش فيه قصد، اللي انت عايز تقوله قوله واقعدوا بقى طبطبوا وسبسبوا، الموضوع ملهوش علاقة بأهلي وزمالك ولا الكرة، وكم من الناس بيعملوا حوادث قتل غير مقصود". الزمالك: نأمل التصالح ودفع الدية لأهل المتوفى في حادث أحمد فتوح إيداع أحمد فتوح حجز قسم العلمين بعد قرار النيابة بحبسه
واختتم: "يجب علينا جميعا أن نتكاتف مع أمين الشرطة ووزارة الداخلية مبتنساش أفرادها ورجالتها، أفراد الشرطة واقفين على الطريق من القاهرة لحد مرسى مطروح، والمخطئ لازم يتجازى واللي بيموت لازم نشوف هنعمله إيه". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
