شيرين رضا، ردت الفنانة شيرين رضا، على هجوم المطربة الإماراتية أحلام منها بسبب تصريحها عن صوت الأذان، حيث قالت: "زين سوى فيها عمرو دياب وحسبي الله عليها..أمسكوني ودي أنتفها..وكان عاقلك فين وانتي بتقولي كده". وظيفة أحلام وأضافت خلال لقائها ببرنامج "العرافة" المذاع على قناة "النهار": "هي أحلام بتشتغل في كوافير، يعني إيه أنتفها دي وتقصد إيه مفهمتش هي عايزة إيه مني". شيرين رضا توضح موقفها من صوت الأذان وتابعت: "هل أنا بني آدمة متخلفة عقليا علشان أشتم الأذان، أنا هاجمت اللي صوته وحش وصوت جعير مش شتيمة ولكن وصف للصوت، والمؤذن لازم يحترم الدين وأحلى حاجة في الدنيا الأذان لما يكون بصوت حلو". جمال صوت الأذان وأكملت الفنانة شيرين رضا : "لسه راجعة من السفر كنت في الكويت بصور وإحنا في المطار مكنش معايا شنطتي اللي فيها تليفوني لما سمعت صوت الأذان قشعرت وكنت عايزة أسجل صوت الأذان الحلو اللي بيخلي القلب يخشع، عايزة أسمع صوت الأذان الحلو مش الناس اللي صوتها وحش". شيرين رضا تنسحب من حلقة بسمة وهبة بسبب سؤال محرج (فيديو) شيرين رضا: كنت بكره ريحة عمرو دياب وأنا حامل ومش عاوزة أتجوز تاني (فيديو) رسالة قوية من شيرين رضا ل أحلام وواصلت شيرين رضا في توضيح موقفها والرد على هجوم أحلام: "تصريحي عن صوت الأذان اتفهم غلط وغير نادمة عليه، وتصريح أحلام يقول إنها فاضية معندهاش حاجة تعملها وبعدين هي تعرفني منين علشان تنتفني ولا متنتفنيش خليكي في حالك هو انتي بتدافعي عن مين هو أنا شتمت مين وانتي تعرفي المؤذن ده، أنا اتكلمت عن صوت المؤذن متكلمتش عن الأذان والرسول مأذنش واستعان بسيدنا بلال علشان صوته الحلو". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
