كشف المطرب خالد سليم، حقيقة تعاقده مع شركة "روتانا" في وقت سابق وذلك من خلال لقائه في برنامج "حبر سري" والتي تقدمه الإعلامية أسما إبراهيم. خالد سليم يكشف حقيقية تعاقده مع شركة روتانا وقال "خالد" من خلال اللقاء:" أنا ما تعاقدتش مع شركة روتانا وعمري ما كنت فيها خالص وطبعًا في بداية "روتانا" كنت أتمني أني أكون فيها، واتعرض عليَّ أني أكون فيها بطريقة غير مباشرة من خلال شركة إنتاج أخرى روتانا اشترتها. وأضاف: في الفترة النجاح اللي كنت فيها كنت حابب إني أكون في روتانا في الفترة دي جدًّا، لكن في فنانين كتير أوي رقم واحد آخرين اتهضم حقهم في الشركة زي محمد فؤاد، لكن عمرو دياب عرف ياخد حقه كويس ويعمل العقود حسيت إن في ناس خدت حقها أوي وناس لاء". وكشف المطرب خالد سليم عن حقيقة خلافه مع تامر حسني بسبب تنمر الأول على فيلم عمر وسلمي قائلًا: "أنا عمري ما أتنمر على أي حد بالعكس فيلم عمر وسلمى نجح وكان فيه شغل حلو معمول". وأضاف: "أنا وتامر علاقتنا ببعض من بعيد لبعيد تمامًا احنا أصلًا مش صحاب لكن في البداية كنا صحاب هو كان بيبتدي وأنا كنت عامل "عالم تاني وأغاني السلم والتعبان" فعلاقتنا كانت لطيفة مع بعض لأننا نعتبر شريحة الجيل اللي بعد هشام عباس ومصطفى قمر وإيهاب توفيق". تامر حسني وخالد سليم وتابع من خلال لقائه في برنامج "حبر سري": "في الفترة دي كنت أنا وتامر وحماقي ماسكين إيد بعض لكن مع الوقت حصل حاجات كتير وتامر عمل لنفسه حتة لوحده وهو عايز يبقى لوحده، فأنا هعمل إيه بس هو بنجاحاته وذكائه هو يستحق إنه يبقى في حتة كويسة جدًّا لكن هو اختار أن يبعد نفسه عننا كلنا". واستطرد: "مع أني أسمع إنه بيقابل ناس كتير وأنا مستصعب إن احنا نكون نفس الجيل، يعني ما شاء الله حميد الشاعري وهشام عباس وإيهاب توفيق ومصطفى قمر الناس دي لما واحد بيكون عنده مناسبة كلهم بيجروا على بعض دا فعلًا جيل نهاية زمن الخير وللأسف في الألفينيات لما بدأنا نظهر الخير ابتدا يقل شوية شوية لحد لما ما بقاش موجود مع الأسف".
كما علق المطرب خالد سليم على الأزمة الصحية التي كان يمر بها قائلًا: "أنا نفسيًّا تعبت بشكل كبير كان عندي مشاكل في أحبالي الصوتبة ما كنتش عارف هي إيه ما كنتش عارف أغني ولا أتنفس ولا أنام مرتاح ورحت لأكتر من دكتور وأخدت كرتيزون لمدة كبير جدًّا لأنه أسهل حاجة عمل احتباس للمياه في الجسم".
أزمة خالد سليم الصحية وأضاف من خلال لقائه في برنامج حبر سري: "وزني زاد بشكل كبير جدًّا لدرجة إني ما كانش فيه هدوم بتدخل فيَّ وكنت بلبس ملابس رياضية وفي الفترة دي ما كانش بيتعرض عليَّ أي حاجة تمثيل لأني طويل وكنت ممثل عندي عضلات كويسة فجأة العضلات مع المية بقت ضخمة والناس كانت بتخاف مني". عاناة خالد سليم مع التنمر وأكمل: "صحابي المقربين جدًّا مني سابوا كل تاريخي فجأة بقوا يتريقوا ويتنمروا عليَّ على سبيل الهذار بس دا كان بيأثر فيَّ بالنسبة لي كانت سكاكين، ورُحت البيت دخلت المطبخ فتحت التلاجة كنت باكل وبعيط صعبت عليَّ نفسي جدًّا وتعبت وحاولت أرجع إني أخس والكرتيزون مش عاوز ينصرف والضغط النفسي خلاني أعيط". وتابع: "وفي فترة مرضي كان عندي حفلة في الإسكندرية وبعد ما الصور انتشرت لاقيت تعليقات سلبية بسبب شكل جسمي لغاية ما عرفت إني عندي ورم في أحبالي الصوتية وكان المفروض إني أعمل أول حاجة منظار علشان أعرف إيه سبب المشكلة ورُحت لدكتور محمد حماقي هو اللي عرفني عليه لغاية ما عرفت إني عندي ورم وعملت عملية استئصال". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
