أحمد السقا، كشف الفنان سليمان عيد، سر خلافه مع النجم أحمد السقا، موضحًا: "علاقتنا لم تتوتر خلال الفترة الأخيرة كما تردد وأشيع". مسرحية سيدتي الجميلة ولفت خلال لقائه ببرنامج "كلام الناس" الذي تقدمه الإعلامية ياسمين عز بقناة "إم بي سي مصر": "أحمد السقا كان بيعمل مسرحية سيدتي الجميلة، وكان معاه علاء مرسي في المسرحية وحصلت له ظروف ارتباطه بحاجة تانية في العيد اللي فات، فكلمني أيمن بهجت قمر وقال لي على الدور اللي سابه علاء مرسي ورُحت عملت الدور ومثلت معاه ومفيش أي حاجة". مشكلة سليمان عيد مع أحمد السقا وتابع: "أنا ما بحبش حد كتير في حياتي بدون سبب ومش بحب إني لم أكلم حد ما يردش عليَّ، أحمد السقا ما كانش بيرد عليَّ وأنا مش عايز أبقى تقيل على صحابي".
كواليس العلاقة مع أحمد السقا وأكمل: "مفيش حاجة بيني وبين أحمد السقا وفتحت معاه ضحك وهزار وإفيهات في مسرحية سيدتي الجميلة وسِبت المسرحية لأني كنت مرتبط بأعمال تانية في السعودية، بس أنا مش بحب أبقى مزعج لأصحابي وفي العيد بكلم صحابي وفيه اللي بيرد وفيه اللي ما بيردش وما بزعلش من اللي ما بيردش أنا مش عايز حاجة من حد ولكن بتبقى حساسة بالنسبة لي لما أكون في البيت وما بشتغلش، أنا عمري ما قلت لزميل أنا عايز أشتغل لأنه لو الدور مش محتاجني يبقى خلاص".
انشغال أحمد السقا وأكمل: "أحمد السقا حبيبي وعشرة عمر بس الحياة مشاغل وهو عنده عيال وحياتنا كلها شغل، وأنا عيني لما كانت تعبانة كلمته على الدكتور بتاعه ووصى عليَّ". سليمان عيد: كانوا بيسموني العندليب وأنا صغير ومعجبة أحرجتني بالأحضان والقبلات ربنا يكفيهم شري، رد قوي من أحمد السقا على منتقدي إعادة عرض مسرحية "سيدتي الجميلة" في نفس اللقاء، قال الفنان سليمان عيد: "قصيدة فيلم عسكر في المعسكر، بحبك يا كلبة، كل العرسان بيحبوا ينكشوا بعض بيها، وكانت تريند على تويتر من فترة، وليَّ مشهد مؤثر برضو في فيلم جاءنا البيان التالي بتاع باور فاميلي".
رومانسية وغناء سليمان عيد وأضاف: "وأنا صغير كانوا مسمينِّي العندليب علشان رومانسي وكنت بغني في الأفراح لما كنت في الإعدادي والأغاني زي أهو جالك أهو، وكنت بحب بنت الجيران وأسمع ظلموه أعيط ومعظم زمايلي الكوميديانات عندهم الحتة دي بتاعت الرومانسية".
قصة حب سليمان عيد الفاشلة وتابع سليمان عيد: "جارتي كنت بحبها حب من طرف واحد ومرة بعتلها كلمة بحبك بس كتبتها غلط باحبك، وبعد فترة بعدت وأنا بعدت وانتهت القصة وعرفت إنها أخت واحد صاحبي في الثانوي واتجوزت وحضرت فرحها وقتها كنت بسمع أغنية ظلموه وأعيط".
مشكلة سليمان عيد في الجامعة وأكمل: "أول حبيتها في الجامعة كنت بدأت اقرع وقتها حبيت واحدة فكنت بجيب الشعر من ورا لقدام علشان متبانش القرعة، وأنا قاعد معاها لقيت الهواء طير شعري وظهرت القرعة، قالت لي يا حرام أنت اقرع ومشيت وسابتني وكإني مريض، بعدها قلت مش هخفي الصلع واللي هيعرفني علشان شعري ما يعرفنيش، الإنسان بشخصيته مش بالصلع".
فكرة زراعة الشعر عند سليمان عيد ولفت: "في فترة كنت فكرت أزرع شعر راسي بس القرعة كانت بانت أوي، وبعدين لقيت واحد بيقولي الشعرة ب600 دولار فقلت له أجيب منين كل ده بلاش".
زواج سليمان عيد وأشار: "أنا متجوز من 1993 بقالي 30 سنة، مراتي ست عاقلة ومتفهمة لشغلي والمعجبات بيضحكوا لي وشايفني شخص لطيف ودي حاجة بفرح بيها ومراتي كمان، أنا مش جان يعني، وما حصلش ما بينا أي مشاكل بسبب المعجبات".
موقف محرج لسليمان عيد من معجبة ولفت:"تعرضت لموقف محرج على خشبة المسرح لما كنت بعمل مسرحية مرة وأنا خاطب مراتي وقلت إفيهات كتير وفجأة لقيت واحدة دخلت وحضنتني وكان فيه قبلات وأحضان، فقلت لخطيبتي لازم تتقبلي فكرة المعجبات ودي أنا ما أعرفهاش".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
