الزمالك، أكد محمد حمدي، لاعب الزمالك أنه تعرض لظلم كبير من مسئولي القلعة البيضاء، بسبب الطريقة التي رحل بها عن الفريق وفسخ التعاقد معه، رغم أن عقده مستمر لعامين قادمين. وكان محمد حمدي ناشئا في الزمالك قبل أن يتم تصعيده للفريق الأول بعد إلغاء مواليد 1999.
محمد حمدي لاعب الزمالك وكتب محمد حمدي عبر صفحته الآتي: "يناير اللي فات انتهت أسوأ حقبة زمنية في حياتي، واللي كنت محسود عليها وهي وجودي في نادي من أكبر أندية أفريقيا مش بس مصر". وتابع: "اللي كان مسكتني طول المدة اللي فاتت إني مكنتش أخدت أي جزء من فلوسي، فكنت عاجز عن كشف حقايق ولكن أنا دلوقتي أخدت جزء صغير أحسن ما ماخدش خالص فهقدر اتكلم". وأضاف: "أنا اتعرضت لكل أنواع الذُّل والإهانة من أصغر حد في النادي لأكبره، ذُل في حقوق في كلام في فلوس في تمرين في مشاركات، الواحد مكنش عارف إيه كان المفروض يعمله عشان يتحققله أبسط حقوقه وهي التمرين مع فريقه". وأشار: "شخص مسئول عن الكورة في الزمالك جالي بعد آخر ماتش شاركت فيه في الدوري الموسم الي فات وقالي يا حمدي انت هتنزل من بداية الموسم الجاي تتمرن مع فريق2001، قولتله يا كابتن انا كده بيتخلص عليا انا اكبر منهم سنًا ولو مش هيكون ليا تواجد مع الفريق الأول ياريت أخرج إعارة أفيد ليا.. هل كلامي ده في اي خطأ معتقدش".
وتابع: "ابتدا الموسم وبدأنا لقيت نفسي مليش مكان مع الفريق الأول للتمرين، وروحت اتكلم مع الشخص ده لقيته بيقولي يا حمدي انت مش هتتأيد اصلًا وهنحطك في قايمة الانتظار لغاية يناير.. طيب أنا تحت أمر النادي ولغاية يناير حضرتك هتمرن فين، قالي معرفش والله يا حمدي".
وتابع: "فاعترضت عشان حقي القانوني في اني اتمرن حتي لو في قايمة الانتظار، لقيته بيزعق في وسط النادي ويابني انا كلمتك كتير وقولتلك من الاول هتعمل كذا مسمعتش كلامي جاي تعترض علي ايه ولم النادي كله يتفرج علينا وعلى كلامه".
وأضاف: "أنا كنت مبلم ومش عارف ارد ومحرج.. خدت ديلي في سناني ومشيت.. روحت من نفسي عشان اتمرن مع فريق ال 2001.. لقيت اداري الفريق بيقولي يا حمدي في تعليمات من الشخص ده قالنا حمدي ميتمرنش مع أي فرقة".
وقال صاحب ال23 عاما: "عملت إيه أنا لكل ده معرفش!؟.. جالي عروض الداخلية ووقفهالي.. رماني لنادي السكة يبيعوا ويشتروا فيا وفي الاخر مرستش على حاجه!!.. وصلنا يناير وفي نص الشهر اتقالي من حد مسئول تاني مهم جدًا عن الكورة في النادي قالي يا حمدي النادي محتاج مساكين غير الزناري الجديد.. عشان الونش اللي اتصاب وأزمة المساكين في الفرقة، فاداني أمل إني ممكن اتأيد وأنا كده كده عقدي ساري لسه فيه تلت سنين".
وتابع: "يوم 28 عرفت إن في استغني بيتبعتلي.. قبل غلق القيد بيومين!!.. كل الفرق قفلت قوائمها.. مفيش مكان أقدر أروحه.. مفيش فرق محتاجة حد كله جاب اللي عايزه، طيب انت كنادي استفدت إيه محدش يعرف، طيب مستحقاتي طيب البند اللي في عقدي الذي بينص علي أنه لا يحق فسخ التعاقد من طرف واحد إلا بعد انتهاء الموسم الثالث من العقد اللي هو ساعتها كان لسه بعد سنتين، طيب فلوسي فين، مسئول الماليات عن الفريق الأول عملي بلوك! اكني ليا فلوس عنده هو.. طب أكلم المسئول عن الكورة ملكش فلوس يا حمدي اشتكينا". وتابع: "لما لقيت مفيش مفر طلعت لأمين الصندوق في النادي، الراجل دخلني وكان عاوز يطلبلي حاجة اشربها واتفضل يا كابتن وإيه الاخبار وأؤمرني يا حبيبي.. احكيله اللي حصل وأقوله أنا كده لا اتقيدت في النادي ولا لحقت مكان بره ولا أخدت فلوسي.. ألاقيه اتفاجئ بالكلام ويقولي فسخ إيه.. مين فسخ.. وإزاي أصلًا من غير قرار مجلس.. اتفاجئ أنا كمان إن مفيش قرار مجلس أصلًا.. طب إزاي اطلع للمستشار ألاقيه هو كمان يتفاجئ بالفسخ وإزاي ومين فسخ ويطلب مذكرة بموقفي كامل". وأشار: "إزاي أصلًا فسخ بدون قرار لا إداري ولا فني يعني مفيش مدير فني كاتب تقرير وحش فيا مثلًا".
وأضاف: "هو واحد صحي من النوم لقي نفسه مبيحبنيش قال امشيه، وبدون فلوس وبدون أي حاجة.. ضرر وخلاص قطع رزق وخلاص.. لا هتلعب في النادي ولا برا النادي ولا هتاخد فلوسك".
وقال: "من كل قلبي حسبي الله ونعم الوكيل في كل ظالم، واللهم لا شماتة إللي بيحصل فينا مش من فراغ ربنا يرجع فريقنا لي مكانه الطبيعي".
وأتم: "يارب النادي ينضف من كل الناس اللي مش بتدور غير علي مصالحها الشخصيه فقط.. ويفضلوا اولاد النادي الي خايفين عليه بجد وعاوزينه افضل كيان في مصر وافريقيا والعالم كمان والحمدلله علي كل شيء".
ويستعد الفريق الأول لكرة القدم بنادي الزمالك لخوض مباراة فاركو في دور ال16 لكأس مصر، المقرر لها يوم 23 يونيو الجاري باستاد القاهرة الدولي.
موعد مباراة الزمالك ضد فاركو في كأس مصر وتنطلق مباراة الزمالك ضد فاركو في كأس مصر يوم الجمعة 23 يونيو في تمام الساعة الثامنة والنصف مساءً بتوقيت القاهرة.
القنوات الناقلة لمباراة الزمالك ضد فاركو في كأس مصر وتذاع مباراة الزمالك ضد فاركو في كأس مصر عبر قناة "أون تايم سبورت 1" الناقل الحصري لمسابقة كأس مصر والدوري المصري الممتاز.
الزمالك يسعى لضم إيتوزا إيجادارو ومن ناحية أخرى، كشفت تقارير صحفية، أن الزمالك يسعى لضم المهاجم النيجيري إيتوزا إيجادارو، لاعب نادي صن داونز المعار لصفوف فريق شيبا يونايتد.
ووفقًا لما أكدته صحيفة Citizen الجنوب أفريقية فإن الزمالك يسعى لضم إيتوزا إيجادارو لتعزيز خط الهجوم.
وتابعت الصحيفة إن الزمالك ينافس كلا من كايزر تشيفز الجنوب أفريقي، ستاد رين وفيسترلو البلجيكي على ضم اللاعب.
أوسوريو يبلغ الزمالك بتجديد عقد المثلوثي ومن ناحية أخرى، أبلغ الكولومبي خوان كارلوس أوسوريو المدير الفني للفريق الأول لكرة القدم بنادي الزمالك مسؤولي القلعة البيضاء بضرورة تجديد عقد حمزة المثلوثي الظهير الأيمن للفريق.
ويتمسك خوان كارلوس أوسوريو بتجديد عقد اللاعب خاصة أنه من الأعمدة الأساسية للفريق.
رقم مميز ل سيف الدين الجزيري مع الزمالك سجل سيف الدين الجزيري، رقمًا مميزًا في تاريخه مع الزمالك بعد إحرازه هدفين في شباك الاتحاد السكندري بالدوري المصري.
والرقم المميز هو أن سيف الدين الجزيري سجل هدفين مع الزمالك للمرة الرابعة في تاريخه.
وسجل الجزيري هدفين أمام كل من: البنك الأهلي، مصر المقاصة وفيوتشر وأخيرًا أمام الاتحاد السكندري.
يواصل أحمد سيد زيزو جناح نادي الزمالك تقديم الأرقام المميزة في الدوري المصري الممتاز للموسم الثاني على التوالي.
وكان أحمد سيد زيزو الأكثر مساهمة للأهداف في الموسم الماضي من الدوري المصري بواقع مساهمته في 33 هدفًا حيث سجل 19 هدفًا وصنع 14 هدفًا.
رقم مميز ل أحمد سيد زيزو مع الزمالك ويتصدر أحمد سيد زيزو في الموسم الجاري للدوري المصري الممتاز الأكثر مساهمة في الأهداف بواقع مساهمته في 22 هدفًا، حيث سجل 9 أهداف وصنع 13 هدفًا.
ووصل زيزو للأسيست رقم 13 مع الزمالك في الدوري المصري الممتاز للموسم الحالي ليتصدر قائمة الأكثر صناعة في المسابقة.
وصنع زيزو 13 هدفًا في الدوري المصري كالتالي: صنع هدفين أمام المصري البورسعيدي، بيراميدز، البنك الأهلي، صنع هدفين أمام حرس الحدود، الإسماعيلي، أسوان، الداخلية، سيراميكا كليوباترا، طلائع الجيش، صنع هدفين أمام الاتحاد السكندري.
أزمة بسبب عقدي نداي وسامسون تتواصل اجتماعات اللجنة الفنية بنادي الزمالك لإعادة ترتيب الأمور داخل فريق الكرة الأول، في ظل الرغبة في تجهيز الفريق لمنافسات البطولة العربية، المقرر إقامتها بالسعودية الشهر المقبل.
ومازال ملف اللاعبين المحترفين الخمسة الموجودين بالفريق غير محسوم بشكل نهائي، في ظل مطالب البعض بضرورة الاستغناء عن الخماسي، والتعاقد مع محترفين جدد لدعم الفريق.
ووفقا للعقود الموقعة مع اللاعبين يتضح أن اللاعب التونسي حمزة المثلوثي الظهير الأيمن للفريق ينتهي عقده بنهاية الشهر الجاري، ولم يتم إعلان استمرار اللاعب أو رحيله عن الفريق.
أما المغربي أحمد بلحاج فوجوده مع الفريق خلال هذه الفترة من خلال الإعارة بنية البيع قادما من أسوان في فترة الانتقالات الشتوية، وينتهي عقده بنهاية الشهر الجاري أيضا.
واللاعب السنغالي إبراهيما نداي الوافد للزمالك في بداية الموسم من نادي لوزين السويسري ينتهي عقده في 30 يونيو 2025.
أما التونسي سيف الدين الجزيري مهاجم الفريق فينتهي عقده مع الزمالك في شهر يونيو من العام المقبل 2024.
وأخيرًا اللاعب البنيني سامسون أكينولا الوافد للزمالك من نادي كاراكاس الفنزويلي وينتهي عقده مع الأبيض في 30 يونيو 2025. ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
