قالت الفنانة زينة: "اللي طلع على الشاشة غير اللي حصل في كواليس مسلسل جعفر العمدة، والروح اللي كانت مسيطرة روح شغل فقط". كواليس زينة خلال تصوير مسلسل جعفر العمدة وأضافت خلال لقائها ببرنامج "مساء دي إم سي" الذي تقدمه الإعلامية إيمان الحصري بقناة "دي إم سي": "أنا كنت منعزلة وما بهزرش مع حد خلال تصوير مسلسل جعفر العمدة". مشاهد زينة في مسلسل جعفر العمدة وتابعت: "كنت بخرج من أوضتي بعمل المشهد وأرجع تاني، وآخر مشهد صورته في مسلسل جعفر العمدة كان أول مشهد ليَّ في المسلسل، اللي هي داخلة بتقول لمحمد رمضان: أنا عايزة أستلف منك 40 مليون جنيه علشان أخرج والدي من السجن، واحنا كنا ماشيين بالعكس ولو سِبت نفسي للرغي والهزار مش هنطلع حاجة، فلازم أحافظ على مزاج الشخصية فعلشان كدا كنت منعزلة". حقيقة تغيير نهاية مسلسل جعفر العمدة ولفتت زينة: "أنا خلصت تصوير كل مسلسل جعفر العمدة يوم 13 مارس اللي فات، وهمَّ خلصوا 14 مارس، وعلشان نهاية المسلسل ما تغيرتش، ودي حاجة تتحسب للمخرج، لإن التصوير في رمضان وحش أوي ومتعب". زينة: أمي كانت بتضربني ودلوقت ولادي بيقولوا لي احنا نقطع بعض ما لكيش دعوة (فيديو) مش هشتغل معاه تاني، رد قوي من مخرج مسلسل جعفر العمدة على زينة | فيديو كانت الفنانة زينة قالت في تصريحات لها: "المنتج محمد السعدي هو اللي أقنعني أشارك في مسلسل جعفر العمدة، وأشكره على ترشيحي وبقول له أنا عملت اللي عليَّ". نجاح مسلسل جعفر العمدة وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "الحمد لله مسلسل جعفر العمدة نجح وهو نمبر وان في الأعمال الدرامية في رمضان".
موقف محمد سامي من زينة وأوضحت زينة: "لما أنا ما كنتش موافقة على مسلسل جعفر العمدة، وقتها محمد سامي قال لي أنا عارف إن مكانتك أكبر من كدا وجاية من نجاح وبقول لك اعتذري وما تعمليش حاجة أنتِ مش مقتنعة بيها ومش هزعل لو اعتذرتِ، وكان عايزني أعتذر بأي شكل لأنه كان عارف إني مترددة فهو ما كانش حابب التردد دا". سر غياب زينة عن سحور مسلسل جعفر العمدة وأشارت: "ما رُحتش سحور مسلسل جعفر العمدة لأني كنت بعمل عمرة، والسحور ما كانش للمسلسل، ولكن كان لمجموعة المسلسلات اللي عاملها محمد السعدي، ودا كان سحور الشركة، ولو كنت في مصر أنا ما بحبش أخرج في رمضان، وما بصدق أكون مع ولادي، وما عنديش نقطة خلاف مع محمد سامي ولكن مش هشتغل معاه تاني".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي، الدوري المصري، دوري أبطال أوروبا ، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.
