قالت الفنانة رانيا يوسف: "ممكن أشارك غادة عبد الرازق بطولة مسلسل لو معانا مخرج قوي يقدر يدير الحكاية كويس، ولو مش هيعرف يدير العمل أنا مش عايزة ادخل معاها في مشاكل لإني مش عايزة أخسرها كإنسانة". موقف رانيا يوسف من سمية الخشاب وأضافت خلال الجزء الثاني من لقائها ببرنامج "العرافة" المذاع علي قناة "المحور": "معنديش مشكلة أشتغل مع سمية الخشاب واشتغلت معاها بالفعل، وإذا قالت إني لسه في مرحلة الانتشار هقولها مين فينا الترند دلوقتي ومش هقول اكتر من كده".
خلطة رانيا يوسف للشعر ولفتت: "أعترف إني بحط جاز على شعري وبيقوي فروة الرأس، والوصفة بتاعتي معلقة جاز وعليها كريم شعر وفلفل أحمر حراق وأخلطهم مع بعض وأعمل حمام بخار على الشعر وفعلا بيقوي البصيلة وبيتخن الشعراية". رانيا يوسف تكشف أغرب علاقة ارتباط برجل أعمال: لما رفضته هددني بالقتل (فيديو) رانيا يوسف: مش خايفة من يوم الحساب وغلطتي الوحيدة فستان البطانة (فيديو) علاقة رانيا يوسف بالله وقالت الفنانة رانيا يوسف:"أنا بحب ربنا بس مش بخاف منه لإني مبعملش حاجة غلط وأنا في الآخر بني آدمة وبغلط وباروح وبارجع ومش ملاك".
وتابعت:"أنا بني آدمة بتغلط وبرجع لربنا وبستغفره وده مش معناه إني بخاف منه، أنا بحبه وبرجعله علشان أنا بحبه".
عدم خوف رانيا يوسف من يوم الحساب
وأضافت:"انا لا بخاف من ربنا ولا بخاف من يوم الحساب ومش عارفة انتوا خايفين ليه، أنا مش خايفة من الموت خالص ولا يفرق معايا بالعكس راحة من المسئوليات، أخاف علي بناتي".
رانيا يوسف تعترف بخطأ ارتداء فستان البطانة
ولفتت:"انا مش بخاف من يوم الحساب لإن عندي ثقة مطلقة، ولما ربنا يسألني عن فستان البطانة هقوله غلطت ورجعت وكان سوء تقدير مني، وسمحت لبنتي تلبسه لأنها طفلة عندها 16 سنة".
في الجزء الأول من نفس اللقاء، قالت الفنانة رانيا يوسف:"كان بيجيلي عرسان وأنا متجوزة ومش شايفاها إهانة لأي شخص اتجوزته، والموضوع كان بيجيلي بشكل غير مباشر عن طريق صديقة ليا".
مشكلة الحب مع رانيا يوسف
وتابعت خلال لقائها ببرنامج "العرافة" المذاع علي قناة "المحور":"انا في الحب بنجرف بسرعة لأن إحساسي وعواطفي بتسبق العقل عندي".
ندم رانيا يوسف على زيجاتها
ولفتت رانيا يوسف:"تمنيت لو لم أتزوج للمرة الثانية والثالثة، وللأسف فشلت في 3 جوازات، وفيه زميلات فشلوا في 5 و7 جوازات، أنا لسه معملتش الرقم القياسي بتاعهم".
سر الزيجة الثانية والثالثة لرانيا يوسف
وأشارت:"الزيجة الثانية والثالثة كانوا لأسباب شخصية لما حصل الانفصال بيني وبين محمد مختار خفت علي سمعتي وكلام الناس وعندي بنات وأنا لسه صغيرة وكان فيه إلحاح من أهلي إني لسه صغيرة ولازم تتجوزي، بس وقفت العداد عند الجوازة الثالثة". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
