قال محمد عادل عامل النظافة صاحب واقعة الطرد من إحدى محلات الكشري: "الفنان أحمد العوضي مكنش موجود وقت واقعة طردي". دعوة أحمد العوضي وأضاف خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": "أحمد العوضي تواصل مع عبر وسيط وطلب ياكل معايا في نفس الطبق، وعزمني على العشاء".
اعتذار صاحب كشري التحرير ولفت: "صاحب المحل جالي لحد عندي بعد واقعة طردي وقال لي معلش وحقك عليا واعتذرلي، وهو راجل في عمر والدي، ولو مكنتش السوشيال ميديا أثارت القضية مكنش هيجيلي يعتذرلي". بلاغ للنائب العام ضد كشري التحرير بتهمة التنمر على عامل نظافة بعد طرده من كشري التحرير.. العوضي يدعم عامل النظافة واقعة طرد عامل النظافة وأشار: "لما دخلت المحل بلبس النظافة بتاعي علشان أجيب علبة كشري لقيت المدير بيقولي اطلع برة ودرني فخرجت برة فلقيت نفسي مش عارف اعمل ايه وزعلت ساعتها، وبعدين قلت هادخل تاني واخد حقي واقعد على الترابيزة واعمل اللى أنا عايزه، ولما دخلت قلت له أنا بني آدم زي أي بني آدم، والناس تضامنت معايا وقالوا هو يقعد واحنا اللى نقوم، والمشكلة أن المدير راجل كبير في السن ومش عارف ازاي يقول لي اطلع برة".
