بكى أحمد ياسر ريان، لاعب نادي سيراميكا كليوباترا، على الهواء حزنًا على رحيله من النادي الأهلي، قائلًا: "كان نفسي أضيف حاجة للبيت اللي اتربيت فيه ولكن أنا مقدرش أرفض أي قرار للأهلي". قرار النادي الأهلي وتابع خلال لقائه ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "مينفعش أقول في الأهلي أنا مبلعبش له، ومشكلتي مكنتش مع موسيماني لأنه أبلغني بحاجته لي في الموسم الجديد". صفقة شادي حسين وأضاف: "كان نفسي أكمل في النادي الأهلي، ومزعلتش أني دخلت في صفقة شادي حسين، والأهلي احتياجه في شادي حسين وسيراميكا احتياجه فيَّ علشان كده مقدرش أزعل من النادي اللي اتربيت فيه واللي أبويا قعد يلعب له 11 سنة". رسالة لجماهير النادي الأهلي وأكمل: "أشكر جمهور النادي الأهلي لأني فعلًا حسيت أنهم واقفين في ضهري لما تم إعلان بيعي لسيراميكا، وإن شاء الله يبقى لينا عودة ومش هتطول وأنا من النوع اللي بحب التحديات، ومفيش لاعب يطلع 4 سنين إعارة إلا وهو عارف أنه قادر يرجع أقوى من الأول". سواريش يحسم مصير أحمد ياسر ريان مع الأهلي أحمد ياسر ريان: مكالمة مفاجئة وراء رحيلي عن الأهلي | فيديو أهداف شادي حسين وياسر ريان وتابع: "عندما رافقت شادي حسين في سيراميكا أحرزت 16 هدفا وهو على ما أعتقد أحرز 6 أهداف، ولكن شادي حسين إضافة للنادي الأهلي وهو شخصية جميلة وصديقي وهيعمل موسم كويس للنادي".
