تحدث الفنان دياب عن تفاصيل دخوله لعالم التمثيل وذلك من خلال لقائه في برنامج "lite show" والذي يعرض على شاشة الحياة. وقال "دياب" من خلال اللقاء: "أنا بعافر من وأنا عندي 15 سنة وكان في الغناء بس أما موضوع التمثيل حصل مؤخرًا أول عمل دخلته كان في أواخر عام 2014 كان ساحرة الجنوب، وبدأ يتعرض في منتصف 2015 دا كان بدايتي مع التمثيل وأنا في الأول مكنتش موافق أمثل غير لما أتاكد أني كفؤ في المكان ده وكنت قلقان جدا وماكنش عندي الثقة الكافية في نفسي أني أنا موهوب و لا لأ وأخدت ورشة تمثيل مع الدكتور أكرم فريد المخرج والدكتور فريد النقراشي خدت معاهم ورشة والدكتور أكرم فريد كان بيعمل ساحرة الجنوب وقالي أنا مرشحك لدور معايا وأنا كان بيتعرض عليا أعمال كتير بعد ما اتشهرت بالغناء ولكن كنت بعتذر عشان كنت خايف أخوض التجربة فتأثر علي مشواري في الغناء اللي تعبت فيه جدا، والحمدالله الموضوع أتي ثماره سريعًا مش سريعًا أوي لأني أنا باخد خطوات أنا بحب النجاح التراقمي مش النجاح المفاجئ كل الخطوات اللي أنا باخدها ليها صدى عند الناس دا كرم من عند ربنا والواحد بيحاول يعمل المجهود اللي عليه عشان ما حس أني واخد حاجة مش حقي.
وفي سياق آخر طرح الفنان دياب أحدث أعماله الغنائية والتي جاءت بعنوان "ياتي ياتي" وذلك على موقع الفيديوهات الشهير "يوتيوب".
أغنية دياب الجديدة أغنية دياب الجديدة "ياتي ياتي" من كلمات أحمد عبد النبي وألحان غريب وتوزيع غنائي توما.
