علق الإعلامي عمرو أديب، علي تعادل النادي الأهلي مع نادي الزمالك في مباراة القمة ببطولة الدوري العام بنتيجة 2/2. حظ النادي الأهلي وقال عمرو أديب خلال برنامج "الحكاية" المذاع علي قناة "ام بي سي مصر":"ببساطة وفي جملة واحدة مشوفتش ماتش في حياتي نادي عنده الحظ النار ده زي الأهلي، نادي حظه نار، ومشوفتش نادي دكر زي نادي الزمالك".
كرة امام عاشور وتابع:"الجنرال حظ هو عضو مؤسس في النادي الأهلي، وان النادي الأهلي مهما حصل الحظ دايما معاه، كورة امام عاشور منعت فوز الزمالك بعد لما جات في العارضة، الأهلي دائما وابدا حظه نار".
اداء النادي الأهلي ومأساة الزمالك وأضاف:"الأهلي لم يكن جيدا ولم يكن حلوا ولم يكن حاجة كبيرة، هي المشكلة اننا ابتدينا الماتش الزمالك نازي ميتغلبش والأهلي نازل يكسب وبعد شوية الزمالك اكتشف حاجة انهم حلوين وقادر يتعادل وبكسب، لاعبي الزمالك جايين من مأساة ووقف قيد واصابات والناس اللى بتعلق زعلانة من تراجع اداء بيرسي تاو هو كل الناس بتلعب مع الأهلي".
دور شيكابالا ولفت:"بعد شوية الزمالك لما فهم ان الأهلي ولا عو ولا خاجة وممكن يترقص ويتجاب فيه جون، شيكابالا جاب التاني".
قوة فيريرا وأشار:"فين روح الفانلة الحمراء كانت فين في اخر 6 دقايق، بصراحة الراجل فيريرا مدرب الزمالك قادر يقلب الماتش لصالح الزمالك، وظهرت روح الفانلة الزرقاء وغابت روح الفانلة الحمراء".
ناشئي الزمالك وقدرات الأهلي وتابع:"فيريرا بيغذي من الناشئين من ولاد النادي، انما الأهلي حسين الشحات وصلاح محسن وبيرسي تاو وعنده فرقتين ورغم ذلك لم يكن حلوا أو عظيما".
بعد التعادل في القمة..موعد مباراة الزمالك المقبلة بالدوري والقنوات الناقلة القمة 124.. تعادل الأهلي والزمالك 2/2 في مباراة مثيرة|صور مباراة عظيمة لنادي الزمالك ولفت:"التعادل أو الفوز يعطي الدوري للأهلي، ولكن الأهلي مش عظيم ولا حلو، بس الزمالك كان لازم يطمع شوية ولو عنده لاعيب زي أفشة صاحب الكورة النهاردة دينمامو وبدونه النهاردة كان الدنيا اتصعبت علي الأهلي هو محور اللعب، والزمالك لو عنده لاعب زي أفشة كانت الدنيا اتغيرت خالص، ولكن شيكابالا لما نزل الدنيا ظبطت، وفي النهاية شوفنا ماتش كويس وفيه لاعيبة وقدرات في المراوغة غير طبيعية وأحمد عبدالقادر غير طبيعي وأفشة غير طبيعي، وامام عاشور وبن شرقي وشيكابالا غير طبيعي، والزمالك لعب ماتش كويس وعظيم ولولا الحظ لفاز الزمالك".
