قالت الفنانة سهام جلال: "أكن للمخرج خالد يوسف كل احترام وتقدير وخلال فيلم "جواز بقرار جمهوري" لقيت عنده سيستم لدرجة أنه كان بيتمم علينا بالتليفونات لما كنا بنصور في شرم الشيخ حفاظًا على التزامنا بمواعيد التصوير، وكان بيطمن على البنات ناموا ولا لأ". تخلى السقا وكرارة وأعربت سهام جلال خلال لقائها ببرنامج "كلام الناس" المذاع على قناة "إم بي سي مصر"، عن حزنها من موقف أحمد السقا وأمير كرارة معها بتجاهل طلبها بتوفير لها فرص للمشاركة في أعمال تمثيلية. ندم سهام جلال وقالت: "رفعت التليفون على أحمد السقا وأمير كرارة وزمايل ليا في الوسط في الفترة اللى أنا مش موجودة فيها في الوسط وبطلب منهم شغل ومحدش بيعبرني ومفيش حد بيساعد حد، وعشموني بشغل وبعدين محدش منهم رد عليا، وندمانة أني كلمت أمير كرارة لأنه عشمني وخلا بيا، وميقللش مني أنى أكلم زميل ولكن كانت الردود صادمة، وكلمت المخرج تامر محسن ورحب بيا وتعامل معايا بلطف، وأنا منتظرة أشتغل معاه". وقالت الفنانة سهام جلال في نفس اللقاء: "صعيدي في الجامعة الأمريكية عطلني كتير، وانا كنت موديل ومبفكرش في التمثيل أصلا".
كارثة سهام جلال وتابعت: "لما نزل فيلم "صعيدي في الجامعة الأمريكية" الدور علشان كان فيه اغراء كان كارثة بالنسبة لي وعندنا مصيبة في المنتجين والمخرجين انهم بيحطوا الفنان في قالب لما ينجح في لون معين".
قبلة أحمد السقا وأضافت: "مشهد البوسة في صعيدي بالجامعة الأمريكية أعدتها 20 مرة بسبب الخوف، وكل لما أقرب أعمل استوب لحد لما المخرج زعقلي، لأن احمد صديقي وصاحب خطيبي وده اللى كان مخليني واقفة قدامي خايفة، وأنا أعترضت على البوسة لأنها هتفشكل الجوازة وكانت المفترض بوسة على الرقبة، وعملت البوسة وبعدها عملتلي مشاكل".
رد فعل خطيب سهام جلال ولفتت: "البوسة مع السقا كانت مصيبة ومكنتش عارفة أقول لخطيبي إيه، ومكنتش عارفة أفكر، وخطيبي لما شاف بوستي مع أحمد السقا مشى من السينما ولكنى صالحته بعد شهرين لأننا كنا بنحب بعض". توافق إن مراتك وبناتك يمثلوا؟ أمير كرارة يجيب | فيديو أحمد السقا يحتفظ بشاربه من أجل الاختيار 3 | صورة ادوار الإغراء ولفتت: "اتعرض عليا ادوار اغراء كتير بعد صعيدي في الجامعة الأمريكية، وأجرى في الفيلم كان 1000 جنيه وهو رقم ضعيف جدا".
