أعرب الإعلامي عمرو أديب، عن سعادته الغامرة بفوز منتخب مصر على الكاميرون والتأهل لنهائي بطولة الأمم الأفريقية لملاقاة السنغال. الجيل الذهبي للكرة المصرية وقال عمرو أديب خلال برنامج "الحكاية" المذاع على قناة "إم بي سي مصر": "أرى أن هذا الجيل وهو الجيل الذهبي للكرة المصرية، جيل محترم ولعيبة رجالة وتشيل المسؤولية وعارفة يعني ايه مصر ويعني إيه حبها لمصر وفيه لعيبة مقطعة نفسها في الملعب، ولا إيتو نفع ولا الحكم الظالم المفتري نفع وربنا كان على الظالم والمفتري".
كراهية الحكم لمنتخب مصر وتابع: "ربنا وقف جنب مصر لانها كانت بتلعب بالعرق والمجهود والحكم بكاري جاساما كان كارهنا وكيروش وكل مدربي مصر، أول مرة في حياتي اشوف صلاح بيتخانق مع حكم واللعيبة كذلك وأول مرة أشوف حكم بيتخانق مع اللاعيبة بتاعتنا، مع تحكيم ظالم وظروف صعبة وملعب فاسد ويعور أي حد".
قوة منتخب مصر وأكمل: "اضربنا من لعيبة الكاميرون ومع ذلك شوفنا الأبطال وأبو جبل اللى كان هرما مش جبل وسلسلة جبال وموفق توفيق غير عادي وأمه داعية له ربنا معاه وربنا ضد الظلم، وربنا مع العرق، كنا أحسن من الكاميرون طوال ال 90 دقيقة والأولاد كانوا رجالة في ركلات الجزاء محمد عبد المنعم ومهند لاشين وكانوا أعصابهم من حديد".
فوز مصر بكأس أفريقيا وأضاف:"انا بالنسبة لي اتعشت ومصر كسبت البطولة وبالنسبة لي مصر في العالم وكاف ومنتخب عظيم وعايزة اسأل ضميركم كلم: حد كان متوقع نوصل للمرحلة دي والأداء ده؟ ده احنا كنا مقفلين الملعب كله وماسكين الكورة طول الوقت، محمد شريف نزل 10 دقايق وطلع ولا شوح ولا قال لأ، لعيبتنا عبقرية ومنتخبنا عبقري، والقدرة علي اللعب ونقل الكرة والتصدي والونش كان واخد 6 غرز في دماغه وكان بيلعب، دولا ولاد المصريين وعملوا شيء عبقري وغير عادي".
حكم مفتري واستطرد: "الحكم المفتري لاَخر لحظة في ركلة الجزاء الأخيرة كان عايز يعيدها، برغم أن الكرة برة، كان قلبه مش مطاوعه الكاميرون تخسر، وبقول للعيبة المنتخب رقيتكم من ايتو والحكم وكل واحد لحد النهاردة بيشكك في المنتخب ومدرب المنتخب، كيروش اتعامل مع المباراة بالحتة، الناس دي عملت انجاز عبقري ويجب اننا نقف جنبهم ويبقى فيه تقدير واحترام ومحبة".
قناة بي إن سبورت ولفت: "الناس في قناة بي إن سبورت كانت واقفة معانا وفرحانين بمصر وعجبني المذيعين ووقفوا معانا وفرحوا لنا". سلبية مسحة جميع أعضاء بعثة منتخب مصر استعدادا لمباراة السنغال أخبار الرياضة: سلبية مسحة أعضاء بعثة منتخب مصر.. وفيكتور جوميز حكما لنهائي أمم أفريقيا قائد عالمي ومايسترو وأشار: "عندان قائد عالمي مايسترو اسمه محمد صلاح، قائد وأعصابه حديد وفولاذ وبيعرف يلم إخواته ويعطيهم الثقة في الملعب ويوجههم ونقل احترافه وزرعه في اللعيبة وعملهم نقل خبرات.. إلهي يحرسك من العين وتكبر ليا يا محمد صلاح".
وأظهرت نتائج المسحات الطبية التي أجرتها بعثة منتخب مصر الوطني اليوم في العاصمة الكاميرونية ياوندي استعدادًا للقاء السنغال بعد غد الأحد في نهائي الأمم الأفريقية عن سلبية جميع عينات أعضاء البعثة.
