اعتذرت الإعلامية لميس الحديدي، لجمهورها، عن فترة غيابها عن الشاشة بسبب إصابتها بفيروس كورونا المستجد. نظرية مضللة للصحة العالمية وقالت لميس الحديدي خلال برنامج "كلمة أخيرة" المذاع علي قناة "أون إي": "دور معداش عليا سهل متحور أوميكرون مش برد خفيف خالص مش مع كل الناس، نظرية اللى ربنا يخفيه ده خفيف لا تنطبق علي كل البني اَدمين، ونظرية منظمة الصحة العالمية مضللة ومش صحيحة، ومريت بتجربة صعبة وسخيفة للغاية، ومش كل الناس بيجيلها دور سهل وخفيف". إصابات كورونا في مصر وأضافت: "كل بيت في مصر يا إما عنده ناس مصابة أو ناس بتتعافى من الإصابة، وناس كتير عيانة، والأرقام الرسمية لها علاقة بمن يذهب للمستشفيات ولكن هناك انتشار كبير للإصابات في مصر". انتشار عدوى كورونا وتابعت: "لسه فيه ناس لما يجيلها أعراض كورونا بيقولوا دور برد خفيف وهذا غير صحيح، والمشكلة انهم بيساهموا في انتشار العدوى لما ينزلوا الشارع والمصالح والمولات الزحمة جدا". سبب نجاة لميس الحديدي ولفتت:"مع انتشار كورونا مش لاقيين اي حد لابس كمامات، واللى حماني بعد ربنا ودعاء أمي وناس كتيرة التطعيم بلقاح كورونا، لأني اتطعمت 3 مرات، انا من أول الناس اللى اخدت سينو فارم ثم جونسون اَند جونسون، اذا كنت انا متطعمة 3 مرات واخدت دور صعب فما بالنا بغير المطعمين". تقليل الكثافات واستطردت: "هو مش دور برد خفيف لأني انا مشوفتهوش كده واللى عنده كحة أو حرارة أو أي أعراض لازم يعزل نفسه علشان ميعديش الناس وميساهمش في نقل المرض، ومحتاجين نجد طريقة لتقليل الكثافات في المصالح الحكومية".
بعد تعافيها من كورونا..لميس الحديدي تعود ل "كلمة أخيرة" السبت المقبل لميس الحديدي تكشف عن أمنيتها في 2022 | فيديو إصابة عمرو أديب ولميس الحديدي وكان الإعلامي عمرو أديب أعلن في 6 يناير الجاري إصابته بفيروس كورونا هو وزوجته الإعلامية لميس الحديدي. وكتب عمرو أديب وقتها عبر حسابه على موقع التدوينات القصيرة تويتر: "أنا ولميس عندنا كورونا.. الحمد لله الأعراض بسيطة وخفيفة.. فاصل قصير ونواصل. ارجوكم ادعوا معنا". وعاد الإعلامي عمرو أديب مؤخرًا لاستئناف تقديم برنامجه "الحكاية" عبر شاشة قناة MBC مصر بعد تماثله للشفاء.
