حل النجم تامر حسني ضيفا على حلقة ليلة رأس السنة من برنامج "معكم منى الشاذلي" للإعلامية منى الشاذلي، وذلك على قناة CBC. أغنية حلو المكان وبدأ تامر حسني الحلقة بتقديمه أغنية حلو المكان، مع تفاعل كبير من الجمهور الموجود بالاستوديو، كما عرض البرنامج مقطع فيديو تناول خلاله ما قدمه تامر للجمهور، على مدار 2021 من أفلام وحفلات وأغانٍ.
بشتغل عشان الجمهور وقال تامر حسني خلال الحلقة: "مبدأ حفلاتي هو إني طالع بفرح الجمهور مش غنا بس، وعايز أبهر وأفرح الجمهور ولما حد من برا مصر يشوف الحفلات عندنا بيحصل فيها إيه يقول إنه شبه اللي عندنا وللأمانة هو مكلف ولكن التكاليف الكتير اللي على المسرح بحاول يبقى فيها ابتكار مش مجرد تكاليف على الفاضي".
وأضاف: "أنا بشتغل عشان الجمهور وأعبر عنهم، وكنت عايز أبقى فنان شامل وكل جزء أنا دخلته عملت فيه حاجة ناجحة تضيف لتاريخي أنا بكتب وبلحن لنفسي، 90% من أفلامي كنت أنا المؤلف".
رسالة ل عزيز الشافعي وأشاد تامر حسني بالتعامل مع الملحن عز الشافعي، قائلًا: "عزيز الشافعي ملحن عنده وجهة نظر وشاعر وبقالي سنتين بتعامل معاه وربنا يكرمه وديمًا بكتبله رسالة ربنا يبارك في موهبتك وديمًا أغانيه مميزة معايا ومع غيري".
تسريب ألبوم يابنت الإيه كشف الفنان تامر حسني كواليس تسجيل ألبوم بنت الإيه والذي حقق به نجاحًا كبيرًا وتعد من أبرز الأغاني التي لازالت عالقة في أذهان الجمهور بعد مرور ما يقرب من 14 عامًا عليه.
وتابع: "ألبوم بنت الإيه مكنش هيبقى اسمه كده وكان هيبقى اسمهع مكنتش مبين، ولكن في راجل دون ذكر اسمه سرق الألبوم كان شغال عند نصر محروس، وكان خاطب وحب يفرح خطيبته وبيبعتلها كل يوم أغنية يمسي بيها عليها لحد ما هي فرحت ومسّت على أصحابها في الجامعة". وأضاف: وطبعًا زعلت وكنا في حالة حزن مش طبيعي لأن الألبوم اتضرب ونزل وبقاله أسبوع ببلاش مع الناس في السوق، فروحت لأستاذ نصر محروس وقولتله اديني فرصة أدخل اعمل أغنية جديدة وجايز تنجح قبل طرح الألبوم بيوم، ودخلت الاستوديو لمهندس الصوت أمير محروس، وقعدت معاه نشتغل على أغنية يا بنت الإيه ومكنش ساعتها فيه كلمات حتى وكانت معظم كلماتها حشو، وطلعت حلوة في الآخر.
فيلم عمر وسلمى وأشار تامر حسني إلى أن فيلم عمر وسلمى كان محطة ونقلة كبيرة في حياته، قائلًا: "لأنه بعد نجاح الجزء الأول الأطفال كانوا بينادوني عمر وكل ما أروح بلد مختلف كانوا يكلموني على الفيلم".
تقليد صوت سوسن بدر كشف النجم تامر حسني أنه يلجأ في بعض الأحيان لتقليد صوت زملائه الفنانين من أجل أن يتجاوز أي موقف قد لا يجعل العمل مكتملًا، مؤكدًا أنه قام بتقليد صوت الفنانة سوسن بدر في لقطة من فيلم "مش أنا".
وأضاف: "قلدت صوت سوسن بدر لما سافرت في فيلم مش أنا، وبعرف أقلد الأصوات وكنت حريصًا على نجاح الفيلم".
وتابع: "قلدت صوت الفنانة سوسن بدر في لقطة صغيرة، وعندما وجدت أن الصوت مشابه قمت بإذاعة هذا الصوت"، مضيفًا: "إذا لم يكن صوتي مشابهًا لاستعنت بصوت مشابه للفنانة سوسن بدر".
تقليد بهاء سلطان وكشف الفنان تامر حسني مفاجأة حول أغنية "هو أنت تاني.. راجعلي ليه" الدويتو الذي جمعه بالمطرب بهاء سلطان.
وأضاف: "كنا خارجين من رحلة أغنية "قوم اقف وانت بتكلمني" كنت متفق مع نصر محروس هسمعه أغنية دويتو مع بهاء سلطان، وقتها بهاء سلطان راحت عليه نومة ومجاش الإستوديو فقلدت صوته وسجلتها كلها لوحدي".
وتابع: "لما روحت لنصر محروس أسمعه الأغنية ففضل ساكت في الحتة بتاعتي وأول لما جت الحتة بتاعت بهاء سلطان قام قال "معلم بص دخل إزاي" قولت له معلم مين ده أنا اللي معلم، وأنا اللي دخلت وده مش بهاء أصلًا فقاللى أنت هتستعبط ولا إيه، وفي الحقيقة أن الأغنية اتسربت وإحنا مكناش هننزلها، ولما نزلت بهاء سلطان كلمني وقاللي الأغنية دي بقت تتطلب مني وأنا مش حافظها ولا عارفها فقلت غنيها".
رأي الجمهور وأكد أنه يسعى لتطوير نفسه منذ دخوله المجال الفني ولا يخجل من الاعتراف بذلك، ويتجنب ما قد يغضب الجمهور منه، ويراجع نفسه باستمرار.
تامر حسني يكشف عن واقعة طريفة تسببت في تسريب ألبومه بالكامل ولادنا بيقلدوك.. تامر حسني يكشف سبب تخليه عن عادة سيئة | فيديو وبسؤاله عن الأمور التي غيّرها في نفسه بناء على رأي الجمهور قال: "أول ما طلعت كنت بفتح القميص أوي ومتأثر بأحمد رمزي، ناس قالت لي بلاش عشان ولادنا بيعملوا زيك فبطلتها.. غيّرت الموضوع ده عادي ومش عِند".
