تبث بوابة فيتو متابعات إخبارية مصورة لأهم الأحداث المحلية والعالمية على مدار اليوم. ورصدت فيتو في نشرتها الإخبارية، اليوم السبت، عددا من الأخبار التي تهم الشارع المصري، والتي جاء أبرزها افتتاح الرئيس عبد الفتاح السيسي عددا من المحاور والطرق الجديدة بمختلف القطاعات بصعيد مصر افتتح الرئيس عبدالفتاح السيسي اليوم من محافظة قنا سلسلة من المشروعات القومية الجديدة بمختلف القطاعات بصعيد مصر، والتي يأتي من ابرزها المجمع الصناعي بمدينة البغدادي بمحافظة الأقصر، والمجمع الصناعي بمدينة بياض العرب بمحافظة بنى سويف، والمجمع الصناعى بمنطقة المطاهرة بمحافظة المنيا، والمجمع الصناعي فى منطقة "هو" بمحافظة قنا، والمجمع الصناعي بمدينة الغردقة بمحافظة البحر الأحمر. افتتاح السيسي عدد من المحاور وتحدث الرئيس عبد الفتاح السيسى، خلال الافتتاحات عن المحاور والطرق الجديدة، التى تم إنشاؤها مؤخرا، ووجه الجيش والشرطة، بالتصدى الحاسم لعمليات البناء المخالف على جانبى تلك المحاور، كما تطرق إلى المصانع غير المرخصة، قائلا: "كل يومين وزارة الداخلية ماسكة مصانع بدون ترخيص.. ناس حاولت تشتغل حتي لو طريقة العمل غير مظبوطة.. ما انا أخليه يشتغل مظبوط وأقنن وأشرعن مكان الغلط نتعامل صح".
وتطرق الرئيس إلى ضرورة دمج الصناعات والأعمال غير المقننة، فى سوق العمل، مضيفا أن الدولة تشجع إقامة المجمعات الصناعية بتوفير التراخيص اللازمة، وإنه يجب دراسة مدى ملائمة ما تم تنفيذه لخطط ومسار تنفيذ المجمعات الصناعية، قائلا: " عملية التحديث والتطوير مبتنتهيش والمشوار لسه طويل ومخلصش ".
وواصل السيسى حديثه عن الصناعة، وتطرق إلى مشروعات المدن الصناعية الجديدة، ومنها إنشاء 3 مدن صناعية هى الروبيكى لصناعة الجلود، ومدينة الأثاث فى دمياط، ومدينة النسيج، قائلا: "بتكلم عن حاجة حاجة فيهم.. أن المسار النظري لما ننفذه على الأرض بياخد وقت كتير.. لو اقتحمنا كل مرحلة من المراحل دى هنطمن أن المستهدف يمكن تحقيقه".
وأضاف: " الروبيكى فكرة موجودة من عام 2004.. وفي 2004 كانت فكرة صح وتحدد المكان وكان صح وكل حاجة لكن امتى المدينة تدخل الإنتاج الحقيقى.. من سنتين بس.. لما جينا ندخل في الموضوع.. اللى اتعمل هيشتغل ويدخل في الاقتصاد ونستفيد به.. وعلشان كده معانا 825 ألف مشروع المفروض بواحد يعنى تستفيد به 825 ألف أسرة".
محبش أفرق فلوس على الناس وتابع: "معندناش مشكلة إن إحنا نعمل والناس تشتغل، التفريق مشكلة عندى، ومبحبش أفرق فلوس على الناس ده كلام مش مظبوط..عاوزه يكبر ويثق في نفسه ويكون عنصر داعم للاقتصاد المصرى..مش عايز اديله السمكة..عايزه يصطاد".
ووجه الرئيس عبد الفتاح السيسى، أيضا بمساعدة ودعم النماذج الناجحة وغير الناجحة فى مجال الصناعة، قائلا:"اللى ينجح أكتر نساعده أكتر.. واللى مينجحش نساعده أيضا.. والتحديث والتطوير مبينتهيش.. فيه الدعم الفني بمدارس ومكاتب استشارية، وموظف من التجارة بالتنسيق مع المحافظة بخصوص المجمعات الصناعية، والمحافظ يقدر ينظم عملية النقل".
السيسى أكد أن الدولة تنفذ نموذجًا جيدًا خلال العمل في مجال الصناعة، وأن مدينة الروبيكى نموذج قابل للنجاح في ظل التطور الكبير اللى بيشهده العالم.. مضيفا: "بقول الكلام ده للناس اللى شغالة في الصناعة.. لازم نعمل حاجة قابلة للنجاح.. التطور مش في مصر بس.. ده في الدنيا كلها.. حد هييجى يقولك الاشتراطات البيئية انت عامل فيها ايه.. فيه كلام كتير".
مدينة الروبيكى وواصل الرئيس حديثه عن مدينة الروبيكى قائلا: "بنديله المكان اللى قاعد فيه وكل حاجة.. بناخد الناس على قد تجربتهم.. انا شايف الصح وصاحب مصلحة في أن البلد تطلع قدام.. والناس تغنى ويبقى عندها طاقات وعمر الصناعات البسيطة ما تعمل غنى".
وأكمل: " المهندس طارق وزير الصناعة وقتها قالى مش قادرين ننقل الناس.. انقل الناس على حسابنا.. قولتله ننقلهم على حسابنا.. قولتله ماشى.. ودفعنا 100 مليون جنيه على حسابنا.. حد تانى يقول لا انتم بتدلعوا".
20 ألف جنيه يوميا وأكد على الاهتمام بالصناعات التكنولوجية المتقدمة، قائلا: "الناس اللى بتشتغل في التكنولوجيات المتقدمة.. اليوم بتاعها ب 10 آلاف و20 ألف جنيه كمان.. اليوم مش الشهر. قرية المراشدة بقنا.. السيسي يتفقد مجمعات الخدمات الزراعية ومكتبة حياة كريمة ووحدات طب الأسرة والإسعاف السيسي يتفقد أعمال تطوير الخدمات بقرية المراشدة بقنا والرئيس قال، إن المجمعات الصناعية الجديدة يجب أن تكون جاهزة بشكل كامل من ناحية توفير الكهرباء والمياه والغاز".
وقال: "العدادات تكون راكبة وموجودة.. علشان اللى يدخل المجمعات دى ميعملش حاجة تانية.. وحتى المساكن اللى بنعملها لازم يكون فيها كهرباء وغاز ومياه.. وتحركنا كده ولما شوفنا النجاح في الروبيكى.. قولنا نكمل ونعمل منشأت تانية" مستكملا حديثه "عاملين الكبارى طبقا للمواصفات وزى الفل".
