رد محمود عبد الرازق شيكابالا نجم نادي الزمالك، على محاولات التقليل من حصول الأبيض على بطولة الدوري للمرة ال13 على اعتبار فوز الأهلي بنفس البطولة ل42 مرة. مفيش عريس عاوز يبوظ فرحته.. شيكابالا يروي التفاصيل الكاملة لأزمته مع أحمد مجاهد شيكابالا: اللي مزعلني أنهم بيروحوا المقابر بكلب أسود.. ولو المسؤولين ما جبوش حقي هاخده بطريقتي دوري الأهلي وبطولات الزمالك وقال شيكابالا خلال لقائه ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "بتقولوا أخدنا الدوري 42 مرة ما أنت عارف أخدتهم إزاي، ولو الناس بتفوت زي ما هم بيقولوا كان زماننا إحنا 42 دوري وهم 13 دوري".
نجاح منظومة الأهلي وعلق عمرو أديب: "جزء كبير من نجاح الأهلي الإدارة المستقرة وروح الفانلة الحمراء والتأمين المادي الجيد"، ليرد شيكابالا: "إحنا عندنا مشاكل مادية كتير ولو اللي عندهم اتوفر في نادي الزمالك مع العدل الكُروي نادي الزمالك هيكون في حتة تانية".
وقال شيكابالا لاعب نادي الزمالك في نفس اللقاء: "معنديش مشاكل مع جمهور الأهلي، والمشكلة مش عندي أو عند اللي بيديروا الكورة في مصر، وتحدث معي تجاوزات لا تحدث مع لاعب في مصر ويذهبون للمقابر بنعش لي، ولو تم إيقاف مثل هذه الأمور لم نكن سنصل لما نصل له الآن، لما يحدث تجاوزات في الخارج من الجماهير اللاعب لا يتم إيقافه، ولكن هناك رد فعل ضد الجمهور، لو بلعب في ناد آخر لم يكن سيحدث معي ما يحدث، في كل مباراة يحدث معي نفس التجاوز وأنا فقط الذي يتم إيقافي والطرف الآخر لأ، ويحدث معي تجاوزات عنصرية مع أسرتي وزوجتي وابني". وتابع: "أنا رد فعل على التجاوزات اللي بتحصل ضدي، ومن 20 سنة أنا بس اللي بتوقف مش حد، وبيتعمل ضدي وضد أسرتي وابني ومراتي حاجات عنصرية". شتائم وإساءات جمهور النادي الأهلي ولفت شيكابالا: "مباراة السوبر اللي في الإمارات كانت الناس بتشتمني، وهم اللي بيبدأوا بالغلط وبعدين يلوموا على رد فعلي، وما يشوفوش إن أنا بتشتم وبيدعوا عليا وعلى ابني ومراتي، ياريت يقولوا بس أسود مش يتشالي كلب أسود ويرحوا المقابر".
حق شيكابالا وتابع: "أنا باخد حقي بطريقتي طالما مفيش مسؤول بيجيب لي حقي من جمهور الأهلي وتجاوزاتهم ضدي، ومن 20 سنة محدش خد لي حقي ولو حد جابلي حقي مكنتش هرد ولا هتكلم".
مشجع زملكاوي وأشار: "هما حاسين أنى قبل ما أكون لاعب كورة أنا مشجع للزمالك وواحد من الجماهير علشان كده أنا أكتر واحد بيهاجموني" عقوبة شيكابالا وشهدت الأيام الماضية حالة من الجدل القانوني بشأن مصير العقوبة المغلظة، التي صدرت من إدارة المسابقات في اتحاد الكرة الأحد الماضي، في حق محمود عبد الرازق شيكابالا كابتن فريق نادي الزمالك، والتي تقضي بإيقافه 8 شهور، إلى جانب تغريمه 500 ألف جنيه مصري، نظرًا لما بدر منه من سلوك غير رياضي ومحاولة التهجم بالفعل واللفظ ضد رئيس اتحاد الكرة أحمد مجاهد، خلال مراسم تسليم درع الدوري لفريق الزمالك عقب انتهاء مباراته في الجولة الأخيرة أمام البنك الأهلي، والتي أقيمت الجمعة الماضي بإستاد بتروسبورت.
الزمالك يتظلم رسميًا ضد عقوبة شيكابالا وأعلن اتحاد الكرة المصري تسلمه رسميًّا، تظلمًا من نادي الزمالك على العقوبات الصادرة ضده من إدارة المسابقات بالاتحاد عن الأحداث التي صاحبت مباراته أمام البنك الأهلي ضمن الجولة الأخيرة لمسابقة الدوري الممتاز.
وأحال الاتحاد المصري لكرة القدم التظلم إلى لجنة الاستئناف بالاتحاد برئاسة المستشار عادل الشوربجي للنظر فيه.
