سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
إلهام شاهين في حوار الصراحة.. أجهضت نفسي واخترت مابقاش أم بإرادتي.. لسة قادرة أقدم إغراء ومشاهد جريئة.. رانيا يوسف تبحث عن التريند.. وتفتح النار علي فجر السعيد |فيديو
استضافت المخرجة إيناس الدغيدي خلال برنامجها "شيخ الحارة والجريئة" المذاع علي قناة "القاهرة والناس"، الفنانة إلهام شاهين، في حلقة الأسرار والمفاجآت. حلم الأمومة قالت الفنانة إلهام شاهين:"مش حزينة من فقدان الأمومة وأنا مكنتش عايزة أبقى أم والقرار كان بإيدي لأني مكنتش عايزة استحمل أي مسئوليات". سبب الإجهاض وأكدت خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس":"أجهضت نفسي واخترت مابقاش ام بإرادتي لأنى لما عملت كده كان فيه اتفاق علي الطلاق ومش هينفع أخلف طفل ويبقي الأم في حتة والأب في حتة تانية". ضياع حلم الأمومة وتابعت:"مكنتش حاسة بإستقرار في الجواز علشان أخلف علشان كده أجهضت نفسي، الي جانب خوفي من المسئولية". اتهام شراء الجوائز من جانب اَخر اتهمت الفنانة الهام شاهين، إحدي الفنانات بإنها وراء شائعة شرائها الجوائز بالأموال، معقبة:"انا عمري ما اشتريت الجوائز بالكوسة واللى اتهمتني التهمة دي بتمثلش حاليا". صداقة آثار الحكيم وعن علاقتها بالفنانة اَثار الحكيم، علقت:"مفيش اخبار بينا ولا اتصال.. وهي بطلت خلاص تمثيل، ومفيش صداقة قوية ومبنسألش عن بعض". وسألت المخرجة ايناس الدغيدي، الفنانة إلهام شاهين:"ماذا لو رجع الزمن بيك للوراء هتكررى جوازتك للإتنين اللى اتجوزتيهم؟ وتقدري تتجوزي واحد متجوز."؟. الهام شاهين وأجابت الفنانة إلهام شاهين:"أه ممكن أكررها واتجوز الشخصين اللى اتجوزتهم وانفصلنا لأنى ساعتها كنت مبسوطة ومفيش ملايكة علي الأرض وهما أكيد عندهم أخطاء وأنا كمان عندي أخطاء". الخيانة الزوجية وتابعت:"لا اتقبل خيانة الرجل أو الست ولو بحب الراجل هغير عليه جدا ومش هسمح بخيانتي، وفي الجوازة التانية بتاعتي وافقت اتجوز واحد متجوز من امرأة غيري". قصة حب الهام شاهين وقالت الفنانة الهام شاهين: "فضلت الشهرة عن الحب في أول حياتي وانفصلت عن أول حد حبيته وقتها، ولسه لحد دلوقتي أفضل الشغل عن أي حاجة شخصية". قيمة الفن وأضافت خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "مفيش راجل هيديني اللى اداهولي شغلي.. شغلي أعطاني المكانة والثقة في النفس وحب الناس ليا والجماهيرية والجوائز والرجالة بيغيروا من الحاجات دي". عقدة الرجال وأكدت: "إنا مش معقدة من الرجالة ولكنهم سبب المشاكل والست طيبة ودايما بتحب تكسب زوجها وهي أكثر رومانسية، وكل التجارب الشخصية عقدتني من الرجالة ولكن أنا نمرة شرسة ومعنديش تفاهم". الأدوار الجريئة وأكدت الفنانة إلهام شاهين: انها لا زالت قادرة على تقديم الأدوار الجريئة والمشاهد الساخنة في السينما، معقبة: "مابيفرقش معايا السن". الإغراء وتابعت:"لو مقتنعة بالدور الجريء همثله وماعنديش مانع ولكن الفنانة الصغيرة هي أجمل وجسمها بيبقي أجمل وشكلها مغري وفرص الإغراء بتبقى أفضل عندها". مشاهد الإغراء واستطردت:"أنا مش ضد الإغراء وعملتها بالفعل ومابخافش من أي حاجة ومقتنعة بالقيمة اللى أنا بقدمها، وأكتر فيلم قالوا إنى عاملة فيه إغراء كان "سوق المتعة" وبعتبره من أهم وأعظم أدواري لأنه من الأفلام المهمة في السينما المصرية والفيلم كان فلسفي من تأليف وحيد حامد وإخراج سمير سيف". أزمة فجر السعيد وقالت الفنانة إلهام شاهين:"الاعلامية الكويتية فجر السعيد كانت حبيب وصديقة جدا ليا ودلوقتي بالنسبة لي عدو لأنها قالت تصريح دمه تقيل علي الفنانة الكبيرة نجلاء فتحي ووقتها هاجمتها وقلت لها فنانين مصر خط أحمر وخليكم في حالكم وهي متوقعتش إنى أكون بالحدة دي". قصة حب يحيى الفخراني وتابعت:"يحيى الفخراني حبيبي جدا وأجمل مسلسل عملته كان معاه الناس بتكلمني عنه "نصف ربيع الاَخر" بس قصة الحب في العمل مكنتش حقيقية والموضوع كان تمثيل ليس إلا وبعيش اللحظة بصدق وفي المشاهد كانت عينيا بتحبه جدا". اعتزال حنان ترك وأضافت:"حنان ترك ممثلة جميلة وكنت أتمنى أنها تكمل في التمثيل ولكنها اعتزلت واتحجبت وكل واحد يختار اللى هو عايزة، وهي حبيب مش عدو، ولكن هي مبتقتش في محيط الفنانين". تصرفات رانيا يوسف وعن تصرفات الفنانة رانيا يوسف وفساتينها المثيرة، علقت:"تصرفاتها فيها لفت نظر، ووقفت معاها في موقف البطانة ودي بيحصل وعندي فستان مرة حصل معايا اللى حصل معاها ووارد يكون مش قصدها، أنا بحبها وهي ممثلة هايلة ولكنها هي بتبحث عن التريند". يسرا وأكدت: أن يسرا تعتبر أهم نجمة في جيلها لأنه بدأت التمثيل قبلها عندما كانت هي وجه جديد.
