كعادته يتصدر أبوإسماعيل قائمة أكثر الفيديوهات مشاهدة على موقع "يوتيوب"، لقاء أبوإسماعيل مع أنصاره كان محل اهتمام الشباب وخاصة مع وجود الغاز لم يستطع الشباب فك طلاسمها، أنصار الشيخ نصحوا الشباب بتعلم "أبوإسماعيل لانجوتش" حتى يفهموا كلام الشيخ، كما طالبوا أبوإسماعيل بالعودة للكرة الأرضية وألا يؤذي كوكبنا المسالم، فماذا كانت أبرز التعليقات.. بسمة محب: (من أقوال الزعيم الملهم سولاح بوسميعاين): وإنهم بيتجنبوا حاجات معينة وبيعملوا حاجات معينة.. طبعا إيه بقى الحاجات المعينة والحاجات اللي لما والحاجات اللي أحيانا.. ما.. ما.. مش هاينفع.. لكن أيوة لا.. يعني شغل كبير أوي.. وحتى الصعوبات اللي الحاجات اللي كانوا هيعملوها ومعملوهاش تدل على نوعية الصعوبات .. أنا أعتبر إن دي علامات شد. سيدي الزعيم.. إن الفجوة بينك وبين الكرة الأرضية تتسع.. عد إلى كوكبك سالما غانما.. أو انصرف ولا تؤذينا ولا نؤذيك. منال علي: أنا عايزة جملة مفيدة.. بسم الله ما شاء الله هوا ومؤيديه اتفقوا على عدم الفهم. محمد غانم: إيه ده بيفكرنى بيونس شلبى فى العيال كبرت. جلال النوساني: ما قولنا 100 مرة اتعلموا حازمون لانجوتش وبعدين تعالوا اتكلموا احنا فهمنا انتو مش فاهمين دى مش مشكلته هو دى مشكلتكم أنتم. علاء عبدالوهاب الشرباصي: مش عارف ليه بيفكرني بأحمد شفيق لما كان في الحملة الرئاسية وكل ما يتكلم الناس تحتار هو بيقول إيه ومحدش يفهم حاجة.
كارم منتصر: أنباء عن انضمام حازم أبوإسماعيل لجبهة الإنقاذ بعد خبر تعيين بجاتو وزيرا.
