علي فين يامصر اتكلمي ومن الزمان اتعلمي نفسي أعيش يوم والتقيك في كل شيء تتحكمي الكل طمعان يحكمك حسب هواه ويلجمك وكلام كتير وخطب تثير وفي الحقيقة بنظلمك يا مصر فوقي وفتحي ولكل كداب صحصحي الثورة حتضيع من إيديك لو بالخطب راح تفرحي *** الثورة مش رقص وهتاف ولا ناس نشيلها علي الكتاف الثورة تغيير كل شيء خلانا نسكت أو نخاف يا مصر شعبك فاق خلاص وكل ظالم تاه ولاص وبأقول لكل اللي افتري لابد يوم ييجي القصاص آخر كلام .. الشعب قام بثورة ضد فلول نظام ممنوع بقي نرجع نقول الرأي ده فيه انقسام