دخلت البيت على صوت خناقة عيال بين المفعوص أبو نص لسان، وأخته الصغيرة.. وظننت للوهلة الأولى أن الخناقة بسبب حاجة تستحق.. ولكنها كانت بسبب "الريموت".. فحاولت أن أهدئ الأمور بينهما، وقلت: - كل واحد فيكم يمسك الريموت شوية.. - ليه يا بابا.. أختي عاوزة تتفرج على أفلام "كرتون" و"توم وجيري" و"ثبونش بوب" و.. - أو مال سيادتك عاوز تتفرج على إيه؟ - أنا بتفرج على القنوات الدينية؟ - ههههه.. إشمعنى يعني في الوقت ده.. - عاوز أشوف وأثمع "فتوى" لفضيلة الشيخ الدكتور العلامة الإخواني القطري "يوثف القرضاوي" ب"قتل" شيمون بيريز أو بنيامين نتنياهو أو إيهود باراك.. زى ما أفتى قبل كده ب"قتل" معمر القذافي وبشار الأثد..؟!! عاوز أثمع وأشوف الشيخ الاشتراكي الإخواني الليبرالي الثوري "ثفوت حجازي" وهو بيعلن للزحف المقدث على إثرائيل تحت راية "مرثي"..!! عاوز أشوف وأثمع المناضلين الثوريين الإخوانيين المثلمين "البلتاجي والعريان والشاطر" وهم بيهتفوا خيبر خيبر يا يهود.. جيش "مرثي" ثوف يعود..!! عاوز أشوف الشيخ محمد العريفي يمكن يكون شاف الملايكة وهيا بتقاتل الجيش الإثرائيلي زي ما شافها وهيا بتقاتل الجيش العربي بتاع بشار في ثوريا؟!! عاوز أعرف ليه كل "قطر" والشيخ حمد والشيخة "موزة" متحركوش ل"تثليح" المقاومة الفلثطينية وحركة "فتح" زي ما ثلحت المعارضة في ليبيا واللي بيقولوا عليه "الجيش الحر" في ثوريا..؟!! وكمان عاوز أعرف ليه جامعة الدول العربية مجتمعتشي بعد ربع ثاعة من ضرب "غزة" وطلبت تدخل "الناتو" جوا وبحرا وبرا ضد أحفاد القردة والخنازير.. زي ما عملت في ليبيا وفي "ثوريا"..؟!! عاوز أعرف يا بابا.. ليه مش بنشوف قناة "الحقيرة" وهيا كل شوية بتعيد وتزيد لقطات الطيران الإثرائيلي وهو بيقتل المدنيين الفلثطينيين الرجال والنثاء والأطفال..؟!! يا بابا.. عاوز أعرف حاجات كتير اتغيرت دلوقتي مع "غزة".. حضرتك عندك إجابة للأثئلة دي؟ - عليك وعلى ديوان "المظالم"..!! - وده كمان اتغير.. والأمن بقى يضرب اللي بيروح يقدم شكوى؟! - يبقى مفيش غير إنك تخطف رجلك لغاية مكتب "الإرشاد".. أو تتصل بزيرو تسعتلاف من أي خط أرضي..!!
