سادت حالة من الاستياء الشديد مستخدمى مواقع التواصل الاجتماعى عقب قرار وزير التنمية المحلية الدكتور أحمد زكي بدر، بإقالة الدكتور رضا عبد السلام محافظ الشرقية وتعيين نائبه قائما بأعمال المحافظ لحين صدور حركة المحافظين الجديدة، ومن جانبها رصدت «فيتو» بعض التعليقات. «الراجل كويس» وقال عبد القادر محمد: «الراجل دا كويس جدا دا راح مدرسة ثانوى ونفخ المدرسين اللى فيها ورفد أكتر من مدير مدرسة بسبب الإهمال هي دى أخرتها القرار دا غلط». وأضافت سهير زهران قائلة: «إيه السبب يا تري ده كان محافظ نشيط ومحترم على فكرة أنا من الدقهلية همه بيكرهم الناجح زي المهندس إبراهيم محلب بيغيروا من الناجح وبيخافوا منه». وتابع محمود عبد العزيز قائلا: «الراجل ده محترم جدا أنا من القاهرة وكنت متابع كل تحركاته»، وأضاف إسلام إمام قائلا: «بصراحة مليون علامة استفهام ياريت لما بيكون في قرار بالشكل ده ينزل مع الخبر إيه السبب وأعتقد إنه من حق الناس تعرف». وقال أحمد سعيد: «هو محافظ كويس بس اتغر في نفسه لدرجة إنه بقي يغلط في المدرسين من غير سبب حتى لو بيتكلموا معاه عادي هو مفيش مسئول يشتغل بضمير من غير غلط»، وتابع محمد يوسف قائلا: «الدكتور رضا عبدالسلام من أنجح المحافظين في مصر وشكله كده هيمسك منصب أعلي». وغرد محمد عبده قائلا: «بجد البلد دى أصابتها لعنة الفراعنة»، وأضاف محمد سالم قائلا: «والله حرااام.. عشان بيشتغل وشايف شغله وبيحارب الفساد تكون دي آخرتها»، وأضاف علاء أبو عمر قائلا: «لك الله يا مصر، يكفى حب ودعوات الشرفاء للمحافظ المحترم رضا عبد السلام». «أحسن واحد شغال» وقال شكرى السيد: «معقولة..! ده أحسن واحد شغال في البلد دى وبتاع ربنا.. حراااااااااااااام يا بلد»، وتابع مصطفى المهدى قائلا: «أحسن محافظ شغال ربنا يولى من يصلح»، وأضافت دينا وليد قائلة: «حد قالك تشتغل أهوه أديك لبست في الحيط وماله لو كنت قاعد على مكتبك كافى خيرك شرك». وتابع هانى عيد قائلا: «يكفيك محبة الناس اللى شايفها في البوستات، طالما عملت اللى عليك فأكيد ربنا هيجازيك خير»، وأضاف أسامة عاطف قائلا: «أحسن محافظ أول مرة أشوف واحد موظف في الدولة شايف شغله محافظ ميتعوضش أبدا.. الله يحفظك ويبارك فيك يا دكتور رضا عبدالسلام». وكان وزير التنمية المحلية الدكتور أحمد زكي بدر، قرر إقالة الدكتور رضا عبد السلام محافظ الشرقية وتعيين نائبا له لحين صدور حركة المحافظين الجديدة. وقالت سميحة الخميسي، المسئول الإعلامي بمحافظة الشرقية، إن وزير التنمية المحلية الدكتور أحمد زكي بدر أبلغ محافظ الشرقية رضا عبد السلام قرار إقالته بالتليفون.
