رغم أنها جمعة «لنبذ العنف» إلا أن الشعارات المرفوعة كانت عنيفة حيث بدأت المليونية التى دعت لها الجماعة الاسلامية لرفض دعوات اسقاط النظام و التأكيد علي استمرار سلمية الثورة بدأت بعدة طلقات في الهواء، اللافتات المرفوعة فى المليونية بحقوق الفقراء وتحسين ظروف المعيشة، وهى مطالب من الطبيعي أن يرفعها المعارضون لمرسى، وهو ما جعل الشباب يردون عليهم : «اسألوا اللى جابوا لكم الاتوبيسات» . «فيتو كافيه» رصدت أهم تعليقات الشباب: ياسر معروف : الجماعة الإسلامية تبدأ فعاليات جمعة نبذ العنف بإطلاق أعيرة فى السماء.. محمد الرفاعي : عمو عمو.. «نبذ» بتسلم عليك وبتقولك ارحم امى العيانة.. منير خلف : الجماعة الإسلامية.. ونبذ العنف.. دونت ميكس.. Top of Form أمين النوساني : هي الناس دي مش فاهمة إنها رايحة تساند الرئيس؟! واحد رافع يافطة: "أين حقوق الفقراء"ما تسأل اللي شحنك ف الأتوبيس وجابك هنا... محمد فرج : فى مليونية نبذ العنف.. عبود الزمر ... أعلام تنظيم القاعدة ... أعلام السعودية ... صور عمر عبدالرحمن و اسامة بن لادن! محمد عادلى : الأستاذ اللي واقف على المنصة نبذ العنف؟، طيب الأستاذ اللي معاه الكاميرا نبذ؟ الأستاذ اللي ورا هناك نبذ ولا عاوز حد يجي ينبذله؟ كله نبذ يا جماعة ولا لسه؟ كل واحد بقى ينبذ والنبى يا جدعان.. أحمد قريطم : في مليونية لا للعنف، الإسلاميون يطالبون مرسي ب «فرم» المعارضة.. مروان عبد المتجلي : وعلشان ما يبقاش فيه مجال للشك في نوايا الإسلاميين الحسنة. كانوا رافعين من ضمن اللافتات لافتة بتقول «نعم للتواجد الأمني» بخط أزرق أو أخضر داكن.. ولا للبلطجة بخط أحمر. نفس السيناريو بتاع الاستفتاء بيتكرر يا جدعان.. وقالت الصناديق للعنف لا .. لا يا وحش، اوعي كده يا عنف بلاش بواخة! محمد السري : بيفكروني باللي ينزل يقول سلمية ومعاه المولوتوف..
