يا وزير الداخلية.. وصى رجالك عليَّ فى الضرب تكون عصاية.. مش ناشفة تكون طرية وبلاش يجرجروني.. عريان ويسحلوني ع الارض ويضربوني.. علشان أكون ضحية شفت المنظر بتاعي؟.. الضرب مافيش له داعي فوق ضهرى وفوق دماغي.. الرحمة يا ناس شوية والآخر جرجروني.. عريان ومرمطوني والناس بيصوروني.. واتفرجتم عليَّ ولما الناس تظاهروا.. على النظام وقهره والضرب فيَّه بَهَرُه.. رحتوا اعتذرتوا ليَّه مش قابل حاجة تاني.. مش عارف إيه رماني دا الضرب يا ناس كواني.. مين حاسس باللى فيَّ