لازم تدخل البيت من بابه، وتعمل تاج لبابا في الإيفنت، هكذا ردت عليه حبيبته لإبداء رغبتها في الزواج الإلكتروني. "يا بخت من وفق اكونتين في الحلال".. صفحة تقوم بدور الخاطبة, لكن في عصر الحب "أون لاين"، الصفحة رصدت أهم مواصفات بروفايل العروس المناسبة، فماذا قالت؟ فارس خطاب: وضع لها صورة دبلة في البروفايل الخاص بها ع فيس بوك.. وقال لها: تتجوزيني؟ فردت عليه: ههههه ايه اللي انت بتقوله ده.. طيب اعمل" تاج" لبابا بقى.. انا ماليش رأي في الحاجات دي.. فعمل "تاج" ل(بابا).. فرد عليه بابا: احنا يا ابني يشرفنا طبعا.. بس مش واجب تعمل "تاج" لاهلك برضه؟ مش دي الاصول والا ايه.. رد عليه العريس: انا اسف ياعمي فاتتني دي.. وعمل "تاج" لأبوه وامه وعيلته كلها.. واتجمعوا في "ايفنت" واحد.. وكتب ابوه الفاتحة وكلهم عملوا "لايك".. وكل واحد كتب "كومنت" بارك فيه للعرسان.. هكذا تمت الخطوبة.. لولولولوليييي.. وعقبال عندكم جميعا في بروفايلاتكم. محمد الخضري: مواصفات فتاة الاحلام من خلال بروفايلها.. ان يكون ليها اكونت واحد بس على فيس بوك.. ماتكونش حاطة صورتها على فيس بوك.. ماتكونش ضايفة شباب الا اخوها ولو كترت اوى يبقى ابن خالتها.. ان الفريندس عندها مايعدوش ال430.. تكون ادمن فى جروب او اتنين بالكتير.. ويا بخت من وفق اكونتين فى الحلال..