أحمد السيد: الناس بتقول لو فيرنا مكانش حصل فيها كدا، وفيات 128 فخر الصناعة الإيطالية الحقيقي.. أحمد طارق: الكل كان بيصورها دقيقة واتقسمت نصين رغم مرور يومين على حادث سيارة من نوع "لامبورجيني هوراكان" بطريق الكيلو 4 ونصف، قرابة منتصف ليل السبت الماضي، وانقسامها نصفين، فإنه لم يتم التعرف على هوية قائدها بسبب عدم تحرير محضر بالواقعة، إذ أصر قائد السيارة الذي خرج دون إصابات وسط ذهول المارة، على نقلها دون تحرير محضر بالحادث. السيارة التي تصل سرعتها القصوى في بعض الأحيان إلى 324 كيلومترا في الساعة، انقلبت عدة مرات على الطريق قبل أن تنشطر إلى نصفين بفعل عوامل الأمان الخاصة بالسيارة، ودفعت المرور بقوات لإعادة حركة السير إلى طبيعتها. حادث السيارة دفع عددًا من محبي هذا النوع من السيارات للحديث عن حوادث مشابهة، وتأكيد أن انقسام المركبة ما هو إلا نوع من الحماية لقائدها، بينما تناوله آخرون بنوع من السخرية والتندر. وقال أحمد السيد: "امبارح الفجر كان فيه حادثة كبيرة على طريق السويس لسيارة لامبورجيني هوراكان، ولأن العربيات دي نادرة عندنا حادث السيارة دفع عددًا من محبي هذا النوع من السيارات للحديث عن حوادث مشابهة، وتأكيد أن انقسام المركبة ما هو إلا نوع من الحماية لقائدها، بينما تناوله آخرون بنوع من السخرية والتندر. وقال أحمد السيد: "امبارح الفجر كان فيه حادثة كبيرة على طريق السويس لسيارة لامبورجيني هوراكان، ولأن العربيات دي نادرة عندنا فالموضوع انتشر، وفي دقايق مصر كلها سمعت بالموضوع، كان فيه بعض التعليقات بتقول إنها لو فيرنا مكانش حصل فيها كدا وإن فيات 128 هي فخر الصناعة الإيطالية الحقيقي، بس لازم نذكر أن السائق خرج سليم تماما والحمد لله أنها مكانتش فيرنا عشان الموضوع كان هيبقى مختلف". وأضاف: "فكرة إن العربية تنقسم نصين مش جديدة وحصلت قبل كدا في عربية لامبورجيني أفينتادور وهوراكان، وكمان أختهم الأقدم الجالاردو، طب هل دا معناه إن لامبورجيني عربية تصميمها سيئ؟ لأ طبعا، الموضوع حصل برضو في عربيات كتير زي أودي آر 8 وفيراري إنزو وفيراري كاليفورنيا". أما محمد منصور، فكتب: "السوبر كارز مصممة إنها تمشي بسرعات جنونية على الطريق أو الحلبات ودا بيخلي الشركة تطور حاجات كتير زي نظام الفرامل ونظام التوجيه وأكيد طبعا أنظمة الأمان في السيارة وإن العربية تتقسم نصين طبيعي تماما ودا بيرجع لتصميم العربية، واللي بيكون على شكل [cockpit] مقصورة قيادة، أو زي ما لامبورجيني بتسميه [monocoque] وبيركب عليها باقي أجزاء العربية، ودا بيهدف لأنه يوفر أقصى حماية ممكنة للسائق في حالات الحوادث". أحمد طارق أنور أرجع الموضوع إلى الحسد قائلا: "مكنتش أتخيل في يوم إني أقدر أشوف قوة الحسد أو العين بالمنظر ده، العربية ديه لامبورجيني هوراكان معظم اللي كانوا ماشيين حواليها كانوا عمالين يصوروها، بعد بالظبط دقيقة من التصوير للعربية اتقسمت نصين". وقال "غانداوي" أحد رواد فيسبوك: "لامبورجيني اتصورت على أول طريق السويس ونزلت post على الFacebook، هوبا واتقسمت نصين!". محمود ناصر: "امبارح الصبح واحد كان منزل صورة عربيته الجديدة اللامبورجيني في جروب وكان فرحان، في نفس اليوم بالليل واحد نزل على الجروب إن فيه لامبورجيني عملت حادثة على الدائري والعربية اتقسمت نصين، وطلعت هي عربية الراجل اللي كان منزل صورتها الصبح، والعين بقت بتفلق عربيات مش حجر بس". أما حازم محمد فقال: "العين فلقت الحجر مش هتفلق لامبورجيني، ربنا يسترها مع اللي كان بيسوقها ويعوض عليه، حادثة بطريق السويس". ورد "شغب 27" وكتب: "عربية لامبورجينى عاملة حادثة على طريق السويس بسبب السرعة الزيادة وعدم تحكم السائق فيها، كان فيه حد قالى قبل كده إن الطرق فى مصر هنا والأسفلت غير مؤهلين لسرعة تعدى 200 km، وتانى حاجة دى عربية معدية ال3 ملايين وعملت حادثة عادى وحصلها زى اللى بيحصل فى أى عربية رخيصة". أسعار ومواصفات هوراكان وتحمل لامبورجيني هوراكان التي يصل سعرها تقريبا إلى (7 ملايين جنيه)، صادما أماميا لإعطاء السيارة بعض العدوانية الإضافية، وفي الخلف تشمل صادمًا أيضا، ومثل نسخة الدفع الرباعي، فإن سقف السيارة القماشي اللين يمكن فتحه أو غلقه في 17 ثانية فقط بسرعة تصل إلى 50 كم/ ساعة. والسيارة لديها توزيع الوزن بنسبة 40 في المئة في الجبهة و60 في المئة في الخلف، وبما يحقق تخفيضا كبيرا في صعوبات التوجيه وسهولة في التعامل مع عجلة القيادة. قصة انقسام سيارة لامبورجيني نصفين في طريق السويس سيارات تاريخية صُنعت لمنافسة فيراري عالميا
