أطل الإعلامي شريف مدكور، عصر اليوم السبت، على جمهوره، من خلال برنامجه "4 شارع شريف" عبر قناة "الحياة" في أول ظهور تليفزيوني له بعد إعلانه إصابته بسرطان القولون، وقال: "من بعد ما أعلنت الخبر وحطيت صورتي على فيسبوك جالي أكتر من 100 ألف رسالة، تليفوني من يومها مش بيبطل رن، أنا بشكر كل الناس اللي سألت عليّا، أنا اكتشفت إني عندي ورم خبيث في القولون، وإن شاء الله هشيله في أول أسبوع من رمضان، أنا طول عمري لما كان بيجيلي في البرنامج حد بيحارب السرطان، كنت دايمًا بقويه وأشجعه وأقوله خلي المرض يقويك ومايكسركش، فأنا دلوقتي اتحطيت في الاختبار ده". أضاف شريف مدكور: "أنا كنت دايمًا بقول إن السرطان زي الإنفلونزا، ربنا اللي حطيني في الاختبار ده وبقدرته هيخليني قوي جدًا، وعشان كده أنا نازل بشتغل عادي، وهعمل حلقات رمضان، لأن بالنسبالي العمل عبادة، ولأني لو قعدت في البيت هكتئب". تابع: "أنا ماتهزتش لما عرفت الخبر، أنا قوي وهفضل أتعامل عادي جدًا، وفرحان أضاف شريف مدكور: "أنا كنت دايمًا بقول إن السرطان زي الإنفلونزا، ربنا اللي حطيني في الاختبار ده وبقدرته هيخليني قوي جدًا، وعشان كده أنا نازل بشتغل عادي، وهعمل حلقات رمضان، لأن بالنسبالي العمل عبادة، ولأني لو قعدت في البيت هكتئب". تابع: "أنا ماتهزتش لما عرفت الخبر، أنا قوي وهفضل أتعامل عادي جدًا، وفرحان وسعيد بالمرض اللي فيّا، وبإيماني بربنا وقوتي والناس اللي حواليا عارف إني هعرف أقضي على السرطان في أقرب وقت إن شاء الله". واصل: "أنا اتخضيت من حب الناس، بشكر كل الناس اللي بعتولي كلام حلو أوي، وإن شاء الله هشيل الورم وأرجع زي الفل تاني بإذن الله".