دعا عمرو أديب المشاهدين إلى الدعاء بالشفاء للإعلامى شريف مدكور، خاصة مع قرب حلول شهر رمضان. وقال أديب، خلال حلقة الجمعة من برنامج «الحكاية»، الذى يقدمه عبر فضائية «mbc مصر»: «شريف مدكور أعلن من أيام إن عنده ورم، وطلب من الناس كلها تدعيله». وأضاف: «أنا أعرف شريف من سنين طويلة، وهو أخ صغير، تحترمه لأنه من الناس اللى اشتغلوها من تحت، سف تراب يعنى وتعب وخدها من تحت، والشاب دا تم التنمر بيه والسخرية منه، ورغم هذا كان دائما يرد على الناس كلها بابتسامة جميلة وبهدوء شديد». وتابع أديب: «أنا وكل فريق البرنامج نتمنى لزميلنا شريف مدكور الصحة والعافية، ونفسنا فعلا إنه يرجعلنا مرة تانية، هو شخص مبهج، وجميل، وطيب، غير كده معرفش»، مضيفا: «لما كنا بنطلع زمان من استوديو تانى وكنا قريبين منه وهو خارج معايا، كان يتهم إنه يجرى يسلم ويطمن عليك ويقولك أنا بتفرج عليك». واختتم وتابع أديب: «أنا وكل فريق البرنامج نتمنى لزميلنا شريف مدكور الصحة والعافية، ونفسنا فعلا إنه يرجعلنا مرة تانية، هو شخص مبهج، وجميل، وطيب، غير كده معرفش»، مضيفا: «لما كنا بنطلع زمان من استوديو تانى وكنا قريبين منه وهو خارج معايا، كان يتهم إنه يجرى يسلم ويطمن عليك ويقولك أنا بتفرج عليك». واختتم أديب: «شريف بنى نفسه بنفسه، أنا بقول ندعيله كلنا جايز يكون فينا حد من الصالحين ويقدر يساعده فى محنته اللى هو فيها، وإن شاء الله يخف ويرجعلنا مرة تانية، ربنا معاه ويساعده فى اللى هو فيه». وظهر شريف مدكور فى فيديو مع الإعلامية مريم أمين، ووجه رسالة إلى محبيه، طمأنهم خلالها على صحته، وقال: «بصوا يا جماعة الحمد لله أنا زى الفل، وراضى باللى ربنا كاتبهولى وقاسمهولى».