حل الكاتب والسيناريست عمرو سمير عاطف، مساء أمس الثلاثاء، ضيفًا على الإعلامي محمد الباز مقدم برنامج «90 دقيقة» المذاع على قناة «المحور»، في لقاء تحدث خلاله عن أسرار جديدة عن شخصيات أعماله، وحكاياته مع نجوم الدراما والسينما الحاليين، مبديًا رأيه في أعمال عدد من كتاب الدراما والسينما مثل أسامة أنور عكاشة ووحيد حامد وغيرهم، كاشفًا عن اللحظة التي جعلته يتخذ قرار اعتزال مجال الفن وسبب تراجعه عن ذلك. الشريف يقدم «أكشن» في عيد الفطر في بداية اللقاء، تحدث عمرو عن فيلمه الجديد الذي يقدم بطولته الفنان يوسف الشريف، ويتم تصويره حاليا استعدادا لعرضه خلال عيد الفطر المبارك المقبل، قائلا: «الفيلم فيه حالة إنسانية غريبة لدرجة إني مش قادر أحكم عليه أو أعرف الناس هتستقبله إزاي، الفيلم اسمه (بني آدم) وهو من نوعية أفلام الأكشن، بس إحنا لحد دلوقتي مستقرناش على الاسم النهائي للعمل»، ونفى عاطف تدخل الشريف في كتاباته الدرامية أو السينمائية، مضيفًا: «أي عمل درامي يتم تغييره وتطويره وكتابته مرة أخرى بما يتوافق مع فريق العمل المشارك فيه.. وكل واحد له تخصصه اللي متمكن فيه وأنا مش محتاج أسمع توجيهات من أي حد، ما فيش تدخلات حصلت طوال الفترة السابقة سواء من الأبطال أو شركات الإنتاج». «مش بستوعب الأحداث بسرعة» وقال السيناريست إنه يحتاج إلى فترة زمنية كبيرة لكي يستطيع استيعاب التغيرات التي تحدث في المجتمع، مردفًا: «لازم أدي لنفسي وقت عشان استوعب التغيرات اللي حصلت في المجتمع خلال الكام سنة اللي فاتوا، لازم أدي لنفسي بعض الوقت»، وعبر عمرو عن سعادته الشديدة باعتبار المشاهدين أحداث مسلسل «كفر دلهاب» إسقاطًا على ما شهدته مصر من أحداث بعد ثورة 30 يونيو، مستكمل: «ده ما أزعجنيش، أنا كنت سعيد عشان كل واحد فسر الأحدث وفق تصوره هو.. العمل كان مليء بالغموض عشان بينتمي لفئة المسلسلات المرعبة». نجومية طارق لطفي لم تتأخر ذكر أن الفنان يوسف الشريف والمخرج أحمد نادر جلال هما الأقرب إلى عقله خلال الوقت الحالي، موضحًا: «فيه تفاهم كبير بيننا»، وأكد عمرو أن النجومية لم تتأخر على طارق لطفي، بل إنه حصل عليها في الوقت المناسب، متابعًا: «طارق استوعب الفرصة اللي جات له واستغلها أحسن استغلال واستطاع إنه يقدم أعمال كتير ناجحة». «كنت بشتغل 6 دقايق في اليوم» ذكر عمرو أنه من مواليد عام 1970، لافتا إلى أنه بدأ الكتابة الدرامية والسينمائية بشكل محترف بعد بلوغه سن 24 سنة، والبداية كانت مع سيناريو كارتون «سندباد البحري»، مستطردًا: «اشتغلت بعشوائية لا توصف لمدة 16 سنة، والكتابة عندي كانت مزاجية شوية، لما وصلت لسن ال40 قعدت مع نفسي وشوفت أنا بشتغل كام ساعة في اليوم، فلقيت نفسي بشتغل فعليًا 6 دقايق في اليوم، وبدأت أعدل من طريق شغلي، وبقيت دلوقتي أشتغل 6 ساعات يوميًا بحد أقصى وهدفي يوصلوا ل 8 ساعات من التركيز». «المنتجين مش عارفين يكسبوا من الكارتون» أوضح عمرو أنه صاحب فكرة مسلسل كارتون «بكار»، متحدثا عن الظروف التي آلت إلى هذا العمل بقوله: «كان فيه مسابقة اتعملت عن ابتكار شخصية كرتونية تعبر عن الطفل العربي، فكان الطريق ممهد لهذا الأمر، ولما عملت فيلم قصير عن الشخصية حقق نجاح كبير، والتليفزيون طلب تحويل الفيلم لمسلسل»، وتابع: «روحت عشت في قرية نوبية وكانت عبارة عن جزيرة جميلة واستلهمت منها 90٪ من أحداث المسلسل.. الوكالة الإعلانية المسؤولة عن شغل المسلسلات والأفلام مش عارفة لحد دلوقتي تكسب من حاجات الأطفال، هما شايفين إن الحاجات دي بتخسر بس ده غلط». «ما زال النيل يجري» سيئ جدًا انتقد عمرو مسلسل «ما زال النيل يجري» للسيناريست أسامة أنور عكاشة، موضحًا: «المسلسل سيئ جدًا زي سر الأرض كدا، أنا ضد الأعمال الخدمية اللي زي دي، لازم الدولة تستهدف الربح من الأعمال السينمائية والدرامية، الربح هدف أول في كل حاجة عشان الحاجة دي تستمر»، واستكمل: «إحنا عندنا قوى ناعمة، والدراما بتاعتنا بتأثر في كل العالم العربي، بس عندنا تقصير بشع في كل ما يتعلق بالأطفال، أنا مش عايز الدولة تدخل عشان تعمل الحاجات دي، أنا عايز تنشيط للسوق بحيث يكسب من أعمال الأطفال». أسامة أنور عكاشة يعتبر «نجيب محفوظ الدراما» وصف عمرو الكاتب أسامة أنور عكاشة بأنه «نجيب محفوظ الدراما التليفزيونية»، في إشارة منه بتأثره بكتاباته الدرامية، مبينًا: «هو موهبة غير طبيعية، لكني أنتقد لجوئه إلى الوعظ المباشر في بعض أعماله». «مش بحب الدراما السياسية» تحدث السيناريست عن أعمال الكتاب الدراميين الذين سبقوه، بقوله: «صفاء عامر كان عنده تكرار وتشابه كبير في أعماله، أما وحيد حامد فعمري في حياتي ما فكرت أتفرج على مسلسلاته عشان هو بيكتب قليل ومهتمتش بمسلسل الجماعة والجدل اللي حصل حوليه، عشان أنا مش بحب الدراما السياسية خالص»، وواصل حديثه عن أعمال وحيد حامد: «كل ما أشوف فيلم طيور الظلام بغير أوي، هو حاجة جامدة جدًا، برغم إنه سياسي بس كان شددني أوي، وكمان سيناريو فيلم معالي الوزير لازم يدرس». وأشاد عمرو بأعمال عدد من الكتاب الشباب المشهورين في الوقت الحالي بينهم مريم نعوم ووائل حمدي وتامر حبيب وتامر رجاء، مؤكدًا أنه لم يقرأ أو يشاهد أعمالا لأحمد مراد، ونوه إلى أنه يحب الأعمال الأمريكية ودائم الاطلاع عليها، وكذلك الأدب الروسي القديم والحديث. الزعيم لم يكن موفق في تجارب درامية يرى عاطف أن الزعيم عادل إمام لم يكن موفقًا في بعض تجاربه الدرامية التي قدمها موخرًا، لكنه أكد: «الزعيم داخل تجربة جديدة أظن أنها ستقدم عناصر جديدة.. أنا تمنيت وسعيت للعمل معه لكن ربنا موفقناش». كريم عبد العزيز نجمي المفضل فضل عمرو العمل مع الفنان كريم عبد العزيز عن محمد رمضان: «محمد حد أخلاقه عليا، وسعيت للعمل معاه بس أنا بحب أشتغل مع كريم أكتر، فهو نجمي المفضل»، مشيدًا بأداء الفنانة منى زكي: «موهبة محصلتش من ساعة رحيل سعاد حسني، هي حاجة مش طبيعية»، كما رفض عمرو قرار تحديد مستوى معين لنفقات المسلسلات، بقوله: «القرار غلط، واللي هيحصل إن المسلسلات هيتم تصويرها خارج الدراما، وكمان أنا برفض لجنة الدراما عشان دي حاجة ما ينفعش تكون موجودة». الشريف سبب تراجعي عن اعتزال الكتابة وجه السيناريست الشكر إلى الفنان يوسف الشريف لأنه كان سببًا في رجوعه عن قرار اعتزال الكتابة الدرامية، بسبب مضايقات تعرض لها في المجال الفني، موضحًا: «يوسف ألح عليا كتير عشان أعمله مسلسل الصياد.. وكان ده أكتر عمل نجح في حياتي».
