في رسالة مبكية، نعى الفنان الشاب عمر أبو النجا، نجل الفنان الراحل مظهر أبو النجا، والده، عبر حسابه الشخصي على موقع التواصل الاجتماعي "فيسبوك"، قائلًا: "مع السلامة يا طيب". وأضاف عمر في رسالته: "كان نفسي أقولك حاجات كتير أوي، وأنا عارف إن دي آخر أيامك بس معرفش إيه اللي سكتني، كان نفسي أقولك إني عشت طول عمري وهعيش فخور إني ابنك". وتابع: "كان نفسي أعمل حاجة تخليك فخور بيا، كان نفسي تشوف عيالي، كان نفسي في حاجات كتير، كان نفسي متمشيش، بس أنا عارف إنك في مكان أحسن، وعارف إنك ارتحت، سامحني في أي مرة مكنتش فيها ابنك اللي اتمنيته". واختتم نجل الفنان الكوميدي الكبير: "سلام يا حاج مظهر، سلام يا أطيب وأنضف وأرجل راجل جه في الدنيا، سلام يا أبويا".