ناشد الكاتب الصحفي مصطفى بكري، عضو مجلس النواب، اليوم الخميس، الرئيس عبد الفتاح السيسي، إلغاء قرار زيادة أسعار الزيت والسكر على البطاقات التموينية. وطالب بكري، خلال برنامج «حقائق وأسرار»، عبر فضائية «صدى البلد»، بالتراجع عن القرار، مؤكدًا أن المواطن الفقير لن يتمكن من شراء الزيت والسكر بتلك الأسعار. تابع: «الجنيه الذي ارتفع في سعر السكر بالزيادة الأخيرة سيحدث فارقا مع المواطن البسيط، ولن يشكل مشكلة مع الحكومة، يا سيادة الرئيس الجنيه مش هيعمل حاجة، لكن هيعمل للغلابة». استكمل: «هل يُعقل أننا نزود الأسعار في 4 شهور 3 مرات، السكر من 5 ل6 ل7 ل8، إزاي الغلبان يشتري كيلو سكر ب8 جنيه؟ الناس تعبت يا ريس جدًا، والناس الغلابة دي هي ظهير الدولة، الناس محتاجة لإجراءات تخفف العبأ مش تزوده». استطرد: «لازم نقف مع شعبنا، أه بنعمل مشروعات قومية وكبيرة وكل حاجة، بس لو الناس دي انفجرت مش هينفعنا لا مشروعات قومية ولا أي حاجة». أوضح أن «اتفاق الدولة مع صندوق النقد الدولي مقابل الحصول على قرض، تعب الغلابة في كل مكان، الناس بتصرخ، ومش عشان الناس بتحب الدولة نقوم نديها على دماغها».