استنكر الإعلامي عمرو أديب، قرار رفع أسعار السكر والزيت المخصص بالحصص التموينية، قائلًأ: "هو فيه حد في الوزارة مش فاهم أن بطاقة التموين مخصصة للفقراء، والناس محتاجة أسعار رخيصة، رضينا بالهم والهم مش راضي بينا". وأضاف أديب، خلال برنامج "كل يوم"، المذاع على قناة "أون"، "الناس هتجيب منين.. حرام عليكم.. الناس دي مش بني آدمين دا في أمريكا فيه كوبونات للفقراء". وتابع: "الحكومة محتاجة وزير سياسي يدافع عن قراراته، ولديه القدرة على اتخاذ القرار المناسب في الوقت الصحيح، ويقولك الزيادة بسبب الدولار، دولار إيه النهارده، فين وزير التموين من ده كله، أنا معرفش شكله ولا صوته، إنتوا ساكتين عليه ليه، والبرلمان فين؟". واستكمل: "اخرج وكلم الناس، بل ريقهم بكلمة، قولهم دي أخر زيادة في 2017، معلش استحملوني، انت أحسن من دونالد ترامب اللي بيطلع يكلم الناس كل يوم؟".