انتقد الإعلامي جابر القرموطي، ادعاء الشيخ عبد الله نصر الشيخ بالشيخ "ميزو"، أنه "المهدي المنتظر"، قائلًا: "يا كابتن ميزو، لازم تدخل عنبر مستشفى الأمراض العقلية، أنا بحبك وروح عشان تتعالج وتطلع كويس". وأضاف خلال تقديمه برنامج "مانشيت"، المذاع على قناة "العاصمة الجديدة"، اليوم الخميس،: "في 5 في البلد بيعملوا إلهاء للرأي العام، إنتا واحد منهم، عشان تتكلم، وتشغل الناس معاك"، متابعًا: "بلا شيخ بلا بتاع ونيلة، والشيخ دي جامدة أوي عليك متستحقهاش، دي تتقال لناس لها قامات كبيرة". كما أكد تضامنه مع الإعلامي عمرو الليثي، بعدما صدر قرار اليوم بمنعه من السفر بسبب التحقيق في تصريحات "سائق التوك توك"، والبلاغ المقدم من المحامي "سمير صبري"، قائلًا: "أنا مش عارف إيه سبب منعه من السفر، الموضوع كبر في سكة تانية"، وتساءل: "هو كل واحد تطق في دماغه يعمل بلاغ ضد فلان، وفلان دا حاله يقف؟، هل حلقة التوك توك تستدعي منع الليثي من السفر والتحقيق معاه؟".