قال الإعلامي أحمد موسى، اليوم السبت، إن جماعة الإخوان وحركة 6 أبريل والاشتراكيين الثوريين هم من وراء دعوات النزول في مظاهرات 25 أبريل، بالتزامن مع ذكرى تحرير سيناء، مشددًا على أن «الجماعة مفيهاش حد شريف، كلهم خونة، وكل من تحالف معهم خاين.. 6 أبريل حركة إرهابية إجرامية». أضاف موسى، خلال تقديمه برنامج «على مسئوليتي»، عبر فضائية «صدى البلد»: «أخاطب كل مواطن مصري ألا ينصاع لمثل هذه الدعوات، البلد مش هتتقلب تاني، الشعب فهم خلاص ومحدش هيضحك عليه تاني، عايزين ياخدوا الشعب سلم تاني ويوصل للحكم، لكن مين اللي هيخليكم تحكموا تاني؟ لا يمكن، ما إحنا جربنا حكمكم وبندفع ثمن السنة السودة دي لحد النهاردة». تابع: «إن شاء الله هنحتفل يوم 25 بعيد تحرير سيناء، مش هنسمح لحد تاني يدمر أو يخرب البلد، البلد دي فيها شعب هو المعني والمسئول بالحفاظ على هذا الوطن، إنتوا أشرف واحد فيكم خاين، ومش عايز أقول كلام يحاسب عليه القانون».