وجه الإعلامي تامر أمين، اليوم الأربعاء، رسالة إلى الرئيس عبد الفتاح السيسي، بشأن تكرار مداخلته الهاتفية مع برامج «التوك شو»، مفادها: «كده كتير يا ريس»، حسب تعبيره. أضاف أمين، خلال تقديمه برنامج «الحياة اليوم»، عبر فضائية «الحياة»، «يا ريس الموضوع كده زاد عن حده، أشدنا في السابق لما عملت مداخلة مع أسامة كمال، لكسر الجمود بين الرئيس والإعلام، كما أن المداخلة كانت لمسة إنسانية جميلة، وبعدين لما عملت مداخلة مع أديب، قولنا ماشي مش مهم، بس كده الموضوع زاد عن حده، كده مداخلتين مع أسامة ومداخلتين مع عمرو، يا ريس كده كتير». تابع: «يا ريس كده هتدي فرصة لواحدة زي عزة الحناوي تقول إنك مابتشتغلش وقاعد بس تتفرج على التليفزيون، وهذا غير حقيقي، بلاش نديهم فرصة لكلام زي ده، ومن الأصل عندما يريد أن يتكلم رئيس دولة، هناك تلفزيون للدولة، مفيش حاجة اسمها قنوات خاصة». استكمل: «محدش يقولي إني غيران عشانه عمل المداخلة مع أديب وما عملش معايا، أنا لا عايزه يعمل معايا ولا مع غيري، في تليفزيون للدولة، رئيس الدولة يتكلم في تليفزيون الدولة، لكن كل يوم يعمل مداخلة مع قنوات خاصة، ملكيتها أيضًا مش مصرية، فأرى أن هذه طريقة غير منضبطة، رئيس الدولة يتحدث لشعب الدولة من خلال تليفزيون الدولة».