قالت الفنانة شيرين عبدالوهاب، اليوم الخميس، في أول تعليق لها بعد قرارها اعتزال الفن؛ «الحمد لله.. أنا بحمد ربنا على حب الناس الكبير ده، وحب زمايلي الفنانين، أنا فعلًا حسيت إني مش ملك نفسي». وحول إمكانية رجوعها للغناء؛ أضافت شيرين، خلال مداخلة هاتفية مع الإعلامي طوني خليفة، ببرنامج «وحش الشاشة»، عبر فضائية «الجديد» اللبنانية، «ربنا يأذن لي بالرجوع إن شاء الله، أنا مش عايزة أقول حاجة مش قدها، وأنا بشكر كل الناس اللي على دماغي من فوق، ربنا يخليلهم أولادهم وأهلهم». وردًا على سؤال مقدم البرنامج، «هل فكرة العودة موجودة؟»؛ تابعت شيرين: «أنا مقدرش أقول لا، حب الناس ده كله أنا مقدرش أقدره، الحمد لله رب العالمين، عايزة الناس في مصر متزعلش مني». وعن إعلانها خبر اعتزالها من خلال الصحفي السوري، ربيع هنيدي، وليس أحد الصحفيين المصريين، قالت شيرين: «والله العظيم مكنش معايا أرقام صحفيين من مصر، مكنش معايا حد غير ربيع ونضال الأحمدية، وبقول للصحف المصرية إنتوا على دماغي من فوق، وإنتوا سبب شهرتي، ومش عايزة حد يزعل مني». من جابنه؛ قال المنتج اللبناني علي المولى، المتواجد بجانب «شيرين»: «سوف يصدر قريبًا قرار صحفي من مكتب شيرين برجوعها للوسط الفني».