بدا الانفعال واضحًا على الرئيس عبد الفتاح السيسي، خلال أجزاء من كلمته بمؤتمر «رؤية مصر 2030»، اليوم الأربعاء. السيسي أكد أنه يعلم مشاكل مصر، وكيف يُعالجها، قائلًا: «أنا عارف مصر زي ما أنا شايفكم قدامي كده، وعارف علاجها، وأنا بوجه حديثي لكل من يسمعني في مصر، لو سمحتم متسمعوش كلام حد غيري، أنا بتكلم بمنتهى الجدية، أنا مش راجل بكذب ولا بلف وأدور ولا ليه مصلحة غير بلدي، وفاهم أنا بقول إيه». أضاف السيسي: «البرنامج اللي اتعمل ده كان الهدف منه إننا لأول مرة نعرف شبابنا قضية مصر الحقيقية، من خلال برنامج مدته 3 شهور، ولاستكمال دراسته ووعيه ومعرفته، هنقطع مصر ولا إيه؟ لن أسمح بتمزيق مصر خلي بالكوا، أنا مش هسمح بكده، محدش يفكر إن طولة بالي وخلقي الحسن معناه إن البلد دي هتقع، قسمًا بالله اللي هيقربلها لأشيله من فوق وش الأرض». تابع: «أنا بقول لكل مصري بيسمعني، إنتوا فاكرين الحكايه إيه، إنتوا مين؟ إنتوا مين؟ لا، دول 90 مليون، وأنا مسؤول أمام الله عنهم، وسأقف أمام ربي يوم القيامة أقوله أنا خليت بالي منهم، عايزين تخلوا بالكم منهم معايا أهلًا، مش عايزين لو سمحتو اسكتوا.. اسكتوا». أثارت كلمات «السيسي» تلك، جدلًا حادًا عبر الشبكات الاجتماعية، حيث تصدرت هاشتاجات «#مصر_2030»، و«#علي_مصر»، و«#قيم_خطاب_السيسي»، و«#معادش_فيها»، و«#البنية _الأساسية»، و«#شرق_بورسعيد»، و«#السجادة_الحمرا»، قائمة التريند الخاصة بموقع التدوينات القصيرة «تويتر». ردد رواد الشبكات الاجتماعية، عبارات منها، «على الطريقة القذافية (إنتوا مين)»، «ملخص خطاب السيسي، إنتوا فاكرين الحكايه إيه؟ إنتوا مين؟ إنتوا مين؟»، و«#السيسي للمصريين: إنتوا مين؟ هيه نفسها: من أنتم؟ لكن بلهجة مصرية»، وغيرها من التعليقات التي تُشبه جملة السيسي «إنتوا مين؟»، بأخرى كان ألقاها الرئيس الليبي الراحل معمر القذافي، في بدايات الثورة الليبية. تغريدات #مصر_2030 يذكر أن السيسي، دشن اليوم مؤتمر «رؤية مصر 2030»، بمسرح الجلاء، بحضور ممثلين عن طلاب الجامعات وشباب مصر وشخصيات عامة ومتخصصين في مجالات مختلفة.