قالت المواطنة سعدية السيد، ضحية الإهمال في مستشفى القصر العيني، اليوم الخميس، إن قدمها تعفنت تمامًا، مضيفة: «سابوني ومحدش سائل فيّا، وعايزة أقطع رجلي ومش عارفة، رجلي من تحت ركبتي بقت زي السمكة المهرية». وأضافت خلال مداخلة مع الإعلامي جابر القرموطي، خلال برنامجه «مانشيت»، عبر فضائية «أون تي في»، «عاملولي عملية في رجلي من تحت ومنفعتش، ورجلي ماتت من تحت، وأنا تعبانة، وكل شوية يقوليلي هاتي فلوس». وتابعت: «الدودة بتجري في رجلي زي الكلب الميت، والدود بقى ينزل قدامهم ويجري على السرير ومحدش يسئل فيّه، وعيالي يصوتوا ومفيش فايدة، وأما آجي أغير على رجلي يشتموني، مبقتش برضى أغير على الجرح».