دخل المئات من العاملين فى مصنع شركة «كوكا كولا للمياه الغازية» فى اعتصام مفتوح داخل مقر الشركة والموجود بمدينة طلخا التابعة لمحافظة الدقهلية بسبب قرار مجلس الإدارة بغلق المصنع فجأة دون علمهم بقرار الغلق ونقلهم إلى مصنع «طنطا» أو «السادات» بنفس رواتبهم التى كانوا يتحصلون عليها بالمنصورة. قال محمد سمير حلمى، فنى تشغيل بالمصنع: «كنا شغالين ليوم الخميس الماضى ورجعنا يوم السبت لقينا المصنع واقف خالص ومش عارفين إيه الأسباب وعيالنا اتشردت ومافيش سبب للغلق». وأضاف شعبان السيد، أحد العاملين فى المصنع: «بعد ما رجعنا من الإجازة يوم السبت الماضى لقينا المصنع واقف ومدير المصنع عمل اجتماع وقال فى مشكلة فى الغاز وكان موجود 21 طن غاز»، مضيفا: «بعد كده رجع قالنا في مشكلة على مستوى المصانع فى المحافظات كلها، وجاءت لجنة من القاهرة قالوا عندنا 9 مصانع وأكثر من 50 فرعا والأقرب طنطا وبعده السادات، وهما عايزنا نروح السادات يعنى 4 ساعات سفر وقالوا هنوفرلكم أوتوبيس ينقلكم من المنصورة وهنوفرلكم سكن». والعامل: «لسه فى أكل وشرب يعنى لو صرفت 400 جنيه هعيش أنا وزوجتي وأولادي بكام وراتبي 1400 جنيه، ومافيش زيادة فى الراتب». وتساءل: «المصنع حصل العام الماضى على شهادة الأيزو، والأول على الشرق الأوسط وإفريقيا، إزاى مصنع بالشكل ده يتقفل عايزين نعرف السبب؟». وأضاف عبد العزيز الدرينى، فنى كشاف بإدارة الجودة: «أن الإدارة فى المصنع قالت لهم وزارة الصناعة هتقفل المصنع ولما سألنا قالوا مافيش أى كلام من ده ولا فى أى مشكلة فى المصنع، ووكيل وزارة القوة العاملة بالدقهلية قال لنا: هجيبلكم حقوقكم بس ماتعملوش مشاكل»، مضيفا «ماحدش من المسئولين جالنا ولا سأل فينا».
وناشد العاملون فى المصنع الرئيس عبدالفتاح السيسى، رئيس الجمهورية، سرعة التدخل لانتشال أكثر من 259 أسرة مُتضررة بسبب قرار غلق المصنع. * img src="http://www.tahrirnews.com/uploads/2015/10/2779610044214494976.jpg" title="بالصور.. اعتصام مفتوح للعاملين ب«كوكا كولا» الدقهلية احتجاجا علي غلقه" alt="اعتصام مفتوح للعاملين بمصنع "كوكا كولا" بالدقهلية إحتجاجا علي قرار غلق المصنع" / * * * * *