هاجم الإعلامي محمود سعد، وزارة التموين، بسبب تهرب المتحدث باسم الوزارة، محمود دياب، من إجراء مداخلة هاتفية معه للحديث عن أزمة أسطوانات البوتاجاز التي لم تنتهي بعد. وقال سعد، خلال حلقة اليوم الجمعة، من برنامج "آخر النهار" على قناة "النهار"، إن الوزارة تتعمد مقاطعة برنامجه بسبب تعليقه على توزيع الوزارة لزيت وطحينة على عربات الفول بأسعار مدعمة وهو ما أغضب المسئولين عنها، مضيفًا: "يا جماعة غيروا الدنيا بقى، ده كلام قديم، الناس مش هتستحمل ده كتير، وهترجع تاني عندهم فكرة عدم الثقة". وتابع: "يعني النهاردة بعد معركة الأنابيب، جاي تقول عندنا 25% عجز في الأنابيب، طيب كنتوا فين من شهرين؟ مقولتش ليه قبل كده؟"، مطالبًا المهندس إبراهيم محلب، رئيس الوزراء، إجراء التعديل اللازم لضبط أداء المسئولين، متابعًا: "لكن الوضع ده مش ممكن"، حسب تعبيره.