قال الإعلامي عمرو أديب، إن أمريكا بدأت في تصدير بعض السياسات الجديدة تجاه حرب مصر ضد داعش، مشيرًا إلى أنها تحاول ترك مصر وحدها في هذه الحرب، دون مساعدتها. وأضاف "أديب"، خلال حلقة أمس من برنامجه "القاهرة اليوم"، المذاع عبر فضائية "اليوم": "الحقيقة أنا متشائم وعمري ماكنت متفائل بالمستقبل، ولما شفت التصريحات اللي قالها البنتاجون، بعد الضربة الجوية لمصر على داعش، واللي أكد فيها إن أمريكا لم تكن تعلم بهذه الضربة، حسيت إن أمريكا عايزة تصدرلنا مفهوم إنها مش معانا في الحرب دي، وإنها عايزة تسيب مصر لوحدها". وتابع: "الإعلام الأمريكي عمال يتكلم إن مصر لم تنسق مع أمريكا، وده لأن أمريكا مابتحبش حد يعمل زيها، وعايزة تفضل هى القوى الكبرى، وده بيأكد إن البيه الكبير مش مبسوط، ومش راضي عن اللي احنا عملناه".