قال الإعلامي محمود سعد، إن العلاقة بين المسلمين والمسيحين، ليس بها أية شوائب أو ضغائن، قائلًا: "والله إحنا ما بينا حاجة، وكل أية في القرآن عندهم زيها في الإنجيل، هو بس في شوية ناس بتحب تتفزلك في حاجات صغيرة غير ضرورية". وأضاف "سعد"، خلال حلقة أمس من برنامجه "آخر النهار"، المذاع عبر فضائية "النهار": "أنا امبارح كنت في الكنيسة المعلقة، وقعدت اتكلمت مع قساوسة وناس كتير هناك، واتبسط معاهم أوي، ياريت الكل يسيب الناس تعبد ربنا بقلوبها زي ما هى عايزة وتتبسط، ربنا قال لينا وليهم أنا موجود واللي عايز يكلمني يكلمني". وتابع "سعد" مشبهًا البابا تواضروس بسيدنا محمد: "يعني البابا تواضروس بالرغم من إنه أعلى رأس في جميع كنائس مصر، ورجل ذو قامة عالية، إلا أنه بيقعد مع الأطفال ويتكلم معاهم زي النبي محمد، ماهو سيدنا محمد كان بيعمل كده برضو".