قالت الإذاعية عايدة سعودي، مقدمة برنامج «استوديو هيتس»، المذاع على راديو هيتس، الذي تم وقفه عن العمل بالإذاعة وإنهاء إعارتها من ماسبيرو، بسبب تعليقها على حكم براءة مبارك، إنها مذيعة تليفزيون ب«نايل لايف»، منذ عام 2005، وانه تم إعارتها لشركة صوت القاهرة منذ عام مضى بإعتبارها الشركة المالكة للراديو العاملة به. وأضافت في مداخلة هاتفية متلّفزة مع الإعلامي يوسف الحسيني، مقدم برنامج "السادة المحترمون"، المذاع على فضائية Ontv، "أعمل براديو هيتس من عام 2010، وعقدي يتجدد سنويًا، وفعليًا تنتهي إعاراتي 1 ديمسبر الماضي، ولكنني لم أقف عن العمل مطلقًا حتى في فترات تجديد عملي". وتابعت: «بعد حلقة الأحد وتعليقي على براءة مبارك، تاني يوم قالولي إن إعارتك خلصت، طيب أنا عارفة أنها خلصت، قالولي: لأ أنتِ مش هتطلعي هواء ومش هتشتغلي، وبلغني مدير الإداري للشبكة بناءً على تعليمات صوت القاهرة»، مضيفةَ: «أنا قابلت اليوم رئيس مجلس إدارة صوت القاهرة وقولتله هشتغل على ورق الإعارة، قالي أنا مش هجدد إعارة، قولتله ليه، قال لي: أنا مش محتاج إني أجدد لك إعارة، قولتله طيب أنا مذيعة ومديرة المحطة، قال لي: مش مشكلة إنتي أصلًا مش فارقة معانا، إمشي، والمحطة تدور زي ما تدور». واستطردت: «دي مش أول مرّة تحصل حاجات زي كده، قبل كده اتحولت للتحقيق أكتر من مرة بسبب آراء شخصية، وبسبب بوستات على فيس بوك».