انتقد الإعلامي خيري رمضان، منع المطرب حمزة نمرة من الغناء في الإذاعة المصرية، مشيرًا إلى أنه قرار تعسفي، لا يصح لدولة مثل مصر أن تتخذه. وقال رمضان، خلال حلقة أمس، من برنامجه «ممكن»، المذاع عبر فضائية «سي بي سي»: «حمزة نمرة عمل إيه، حمزة اللي كل القنوات ذاعت أغانيه بعد الثورة دلوقتي بقى وحش، وفيها إيه لما يكون ليه توجه إسلامي، ما هو توجه محترم، وهو احنا ضد التوجهات الإسلامية ولا إيه». وأضاف: «وبعدين هو التوجه ده انعكس على أغانيه في إيه؟، إنه بيغني أغاني محترمة، إنه مابيطلعش يرقص، ولا بيجيب راقصات».