كتب الشاعر الغنائي أيمن بهجت قمر رسالة عتاب إلى الفنان عمرو دياب، قال فيها:«اللي بينا كانت سنين وعشرة.. علاقة الطرفين استفادوا منها واللي يشوف غير كده يبقى مجنون لإن الشواهد كلها بتقول كده وعايشه ومش هتموت». وأضاف أيمن عبر موقع التواصل الاجتماعي «فيسبوك»، اليوم الثلاثاء، «المواقف واضحه والبياع مابيفكرش هو بيبيع مين، صاحبه ناسه، مكانه، نفسه.. بيع المهم إنك تقبض تمن البيع ده وتحس بنشوه في السباق.. وتحس بالإنتصار في نهاية الصراع.. وتحس بالشبع مع إنك مش جعان.. مع إن لا أنت محتاج تسابق لإنك سابق أساساً ولا محتاج تصارع حد». واختتم قمر حديثه قائلا: «صديقي اللي راح .. ما انكرش بفتكرك.. مانكرش إني أوقات بغير عشان أنا مش ملاك، ما انكرش إني بغضب وبثور وبندفع، لكن صدقني خلاص من الليلادي مش ندمان..صديقي اللي كان طيب..هلومك ليه ونقول إيه ولا يهمك ف إيه حتى.. عموماً هي أيام وبنعيشها، وكل واحد يعمل اللي يريحه». إمضاء: اللي كان أكتر واحد بيحبك
