بعد إنتشار فيديو فيديو يجمع النجم العالمى " ليونيل ميسي " مع الفنان احمد حلمى فى اعلان ليز الجديد ..أوضح الفنان أحمد حلمى حقيقة مقابلته للاعب الأرجنتينى "ليونيل ميسى". وكتب حلمى فى تدوينة له على موقع التواصل الإجتماعى "فيس بوك":" يا اصدقائي وصديقاتي الاعزآء .. انا مقولتش اني قابلت ميسي ولا حتي شفته .. انا قولت "ده اعلاني الجديد مع ليونيل ميسي" .. انما كل واحد مننا صور الجزء بتاعه في بلده .. وده الطبيعي اللي بيحصل في الاعلانات اللي بيكون فيها كذا شخصيه من جنسيات و دول مختلفه" وأعترف حلمى بانها غلطته انه لم يوضح طريقة عمل الاعلان واستكمل قائلاً:"بس ده لاني تخيلت ان دي حاجه ممكن تكونوا عارفينها .. وعلي فكره في اعلانات كتير اجنبيه اتصورت بالطريقه دي برضه .. بس طبعا كله لازم يكون بالاتفاق والموافقه مع كل الاطراف اللي هتظهر في الاعلان .. يعني كل واحد لازم بيبقي عارف مين الشخصيه اللي هاتظهر معاه في الاعلان ولازم يكون موافق عليها كمان .. والا كان بقي زمان كل واحد راح عمل اعلان لنفسه حط فيه كل نجوم العالم ..". وأضاف :"علي فكره انا لما عملت الصفحه دي عملتها علشان اكون متواصل معاكوا .. مش علشان اخدعكوا .. لان اخر حاجه ممكن اعملها في حياتي هي اني اخدعكوا او اضحك عليكوا .. لاني قبل ما اخدعكوا هاكون بخدع نفسي .. اوعدكوا المره الجايه في اعلاني مع "جيمس بوند" هابقي دقيق اكتر من كده .. ((مافيش اعلان مع جيمس بوند ولاحاجه .. انا بهزر لحسن تاخدوها بجد)) .. وكل سنه وانتوا طيبين ..".