قالت الدكتورة كريمة الحفناوى الأمين العام للحزب الإشتراكى، "المرة ديه بجد مش هانسيبها لأى حد ،مصر مش هاتركع تانى ، واحنا ياسيسى مش هانمضى شيك على بياض والشعب المصرى هو اللى هايجيبك وهايرفعك لفوق مش الأحزاب ولا أى كيان ولامؤسسة ومش هايسمح لحد تانى يضحك علينا ، احنا عاوزين الأفعال والقادر على الأفعال ولازم نعرف ان الشعب المصرى هو اللى هايقف لذلك عاوزين رئيس يقول للفقراء هاتشتغلوا معايا عشان مصر تتحسن عاوزين صحة وتعليم وحد أدنى للأجور". وحثت "الحفناوى" الشعب المصرى على النزول وعدم الأنسياق وراء الدعوات التى تردد أن السيسى ناجح ناجح مشيرة الى أن أعداء الثورة هم من يرددون تلك الشائعات، قائلة: "لذلك هاننزل بالملايين على الإنتخابات رايحين". وهتفت الحفناوى "قولوا معايا ألف و ألف تحيه لستات إسكندرية وهانقول برضو للرجاله ألف تحيه، بنقولها من إسكندرية تحيا مصر حرة قوية من أسوان لإسكندرية ،السيسى رئيس الجمهورية، مصر لكل المصريين لأهالينا الفلاحين للعمال ومهندسين أطباء ومدرسين للستات والرجال والبنات مع الكبار، شعب مصر مش هايرجع تانى الإخوان شعب مصر م هايرجع النظام السابق". وأردفت "الحفناوى": "المرأة اللى خايفه على بلدها وعمرها ماهتسمح لحد تانى يسلب حق مصر" .