يا شيخ عماد عفت يا مينا يا دانيال يا وردنا المقطوف من قبل ما يفتّح يا دم كل شهيد خلى الوطن فَتّح لسّه الأمل فيكُم أقوى كتير م الموت ياللى ف عصر الخرس كنتوا الكلام والصوت لسّانا بنشوفكم ويانا ف الميادين بترددوا الهتافات وتحمسوا الساكتين واما الرصاص يبتدى بتكونوا مبتسمين واقفين ف اول صف دايماً كما المعتاد والعمر كان ع الكف مستنى لاستشهاد واحنا فضلنا هنا ماشيين موقفناش يا اللى انتو نور قلبنا فاكرين ومبننساش تار اللى مات مننا ف رقاب جميع من عاش .